Jayadeva (alias Piyusavarsa): Candraloka 4

श्लेषो विघटमानार्थ-घटमानत्ववर्णनम् । स तु शाब्दः सजातीयैः शब्दैर् बन्धः सुखावहः

śleṣo vighaṭamānārtha-ghaṭamānatvavarṇanam / sa tu śābdaḥ sajātīyaiḥ śabdair bandhaḥ sukhāvahaḥ

Sanskrit only: no published translation is held for this verse.

उल्लसत्तनुतां नीते ऽनन्ते पुलककण्टकैः । भीतया मानवत्यैव श्रियाश्लिष्टं हरिं स्तुमः

ullasattanutāṃ nīte 'nante pulakakaṇṭakaiḥ / bhītayā mānavatyaiva śriyāśliṣṭaṃ hariṃ stumaḥ

Sanskrit only: no published translation is held for this verse.

यस्माद् अन्तःस्थितः सर्वः स्वयम् अर्थो ऽवभासते । सलिलस्येव सूक्तस्य स प्रसाद इति स्मृतः

yasmād antaḥsthitaḥ sarvaḥ svayam artho 'vabhāsate / salilasyeva sūktasya sa prasāda iti smṛtaḥ

Sanskrit only: no published translation is held for this verse.

समताल्पसमासत्वं वर्णाद्यैस् तुल्यताथ वा । श्यामला कोमला बाला रमणं शरणं गता

samatālpasamāsatvaṃ varṇādyais tulyatātha vā / śyāmalā komalā bālā ramaṇaṃ śaraṇaṃ gatā

Sanskrit only: no published translation is held for this verse.

समाधिर् अर्थमहिमा लसद्घनरसात्मना । स्याद् अन्तर्विशता येन गात्रमङ्कुरितं सताम्

samādhir arthamahimā lasadghanarasātmanā / syād antarviśatā yena gātramaṅkuritaṃ satām

Sanskrit only: no published translation is held for this verse.

माधुर्यं पुनरुक्तस्य वैचित्र्यं चारुतावहम् । वयस्य पश्य पश्यास्याश् चञ्चलं लोचनाञ्चलम्

mādhuryaṃ punaruktasya vaicitryaṃ cārutāvaham / vayasya paśya paśyāsyāś cañcalaṃ locanāñcalam

Sanskrit only: no published translation is held for this verse.

ओजः स्यात् प्रौढिर् अर्थस्य संक्षेपो वातिभूयसः । रिपुं हत्वा यशः कृत्वा त्वदसिः कोशम् आविशत्

ojaḥ syāt prauḍhir arthasya saṃkṣepo vātibhūyasaḥ / ripuṃ hatvā yaśaḥ kṛtvā tvadasiḥ kośam āviśat

Sanskrit only: no published translation is held for this verse.

सौकुमार्यम् अपारुष्यं पर्यायपरिवर्तनात् । स कथाशेषतां यातः समालिङ्ग्य मरुत्सखम्

saukumāryam apāruṣyaṃ paryāyaparivartanāt / sa kathāśeṣatāṃ yātaḥ samāliṅgya marutsakham

Sanskrit only: no published translation is held for this verse.

उदारता तु वैदग्ध्यम् अग्राम्यत्वात् पृथङ्मता । मानं मुञ्च प्रिये किंचिल् लोचनान्तम् उदञ्चय

udāratā tu vaidagdhyam agrāmyatvāt pṛthaṅmatā / mānaṃ muñca priye kiṃcil locanāntam udañcaya

Sanskrit only: no published translation is held for this verse.

शृङ्गारे च प्रसादे च कान्त्यर्थव्यक्तिसंग्रहः । अमी दश गुणाः काव्ये पुंसि शौर्यादयो यथा

śṛṅgāre ca prasāde ca kāntyarthavyaktisaṃgrahaḥ / amī daśa guṇāḥ kāvye puṃsi śauryādayo yathā

Sanskrit only: no published translation is held for this verse.

तिलकाद्यम् इव स्त्रीणां विदग्धहृदयङ्गमम् । व्यतिरिक्तम् अलङ्कारं प्रकृतेर् भूषणं गिराम्

tilakādyam iva strīṇāṃ vidagdhahṛdayaṅgamam / vyatiriktam alaṅkāraṃ prakṛter bhūṣaṇaṃ girām

Sanskrit only: no published translation is held for this verse.

विचित्रलक्षणो न्यासो निर्वाहः प्रौढिर् औचिती । शास्त्रान्तररहस्योक्तिः संग्रहो दिक् प्रदर्शिता

vicitralakṣaṇo nyāso nirvāhaḥ prauḍhir aucitī / śāstrāntararahasyoktiḥ saṃgraho dik pradarśitā

Sanskrit only: no published translation is held for this verse.

महादेवः सत्रप्रमुखमखविद्यैकचतुरः सुमित्रा तद्भक्तिप्रणिहितमतिर् यस्य पितरौ । चतुर्थस् तेनासौ सुकविजयदेवेन रचिते चिरं चन्द्रालोके सुखयतु मयूखः सुमनसः

mahādevaḥ satrapramukhamakhavidyaikacaturaḥ sumitrā tadbhaktipraṇihitamatir yasya pitarau / caturthas tenāsau sukavijayadevena racite ciraṃ candrāloke sukhayatu mayūkhaḥ sumanasaḥ

Sanskrit only: no published translation is held for this verse.