Jayadeva (alias Piyusavarsa): Candraloka 5

शब्दे पदार्थे वाक्यार्थे वाक्यार्थस्तबके तथा । एते भवन्ति विन्यासाः स्वभावातिशयात्मकाः

śabde padārthe vākyārthe vākyārthastabake tathā / ete bhavanti vinyāsāḥ svabhāvātiśayātmakāḥ

Sanskrit only: no published translation is held for this verse.

कस्याप्य् अतिशयस्योक्तेर् इत्य् अन्वर्थविचारणात् । प्रायेणामी ह्य् अलंकारा भिन्ना नातिशयोक्तितः

kasyāpy atiśayasyokter ity anvarthavicāraṇāt / prāyeṇāmī hy alaṃkārā bhinnā nātiśayoktitaḥ

Sanskrit only: no published translation is held for this verse.

अलंकारप्रधानेषु दधानेष्व् अपि साम्यताम् । वैलक्षण्यं प्रतिव्यक्ति प्रतिभाति मुखेष्विव

alaṃkārapradhāneṣu dadhāneṣv api sāmyatām / vailakṣaṇyaṃ prativyakti pratibhāti mukheṣviva

Sanskrit only: no published translation is held for this verse.

अलंकारेषु तथ्येषु यद्य् अनास्था मनीषिणाम् । तद् अर्वाचीनभेदेषु नाम्नां नाम्नाय इष्यताम्

alaṃkāreṣu tathyeṣu yady anāsthā manīṣiṇām / tad arvācīnabhedeṣu nāmnāṃ nāmnāya iṣyatām

Sanskrit only: no published translation is held for this verse.

महादेवः सत्रप्रमुखमखविद्यैकचतुरः सुमित्रा तद्भक्तिप्रणिहितमतिर् यस्य पितरौ । चतुर्थः सैकोयम् सुकविजयदेवेन रचिते चिरं चन्द्रालोके सुखयतु मयूखः सुमनसः

mahādevaḥ satrapramukhamakhavidyaikacaturaḥ sumitrā tadbhaktipraṇihitamatir yasya pitarau / caturthaḥ saikoyam sukavijayadevena racite ciraṃ candrāloke sukhayatu mayūkhaḥ sumanasaḥ

Sanskrit only: no published translation is held for this verse.