"अदृष्टे दर्शनोत्कण्ठां दृष्टे तु त्वम् अपह्नुतिम् । सर्वदा कुर्वती कृष्णे कीदृशीति न लक्ष्यसे ॥ज्ग्च् १,२।४८॥ [अनुष्टुभ्] ततः सखीभ्यां सुगृहीत-बाहुर् नीतापि मध्ये-गृहम् आयताक्षी । स्तम्भेन बाह्येन तथान्तरेण, कृतावलम्बा चकृषे प्रियेण ॥ज्ग्च् १,२।४९॥ [उपजाति ११] बलेन कृष्टा हरिणाप्य् अनल्पं तल्पं गतासीन् मिलितुं च लोला । तथापि नायाद् ऋजुतां तु किन्तु कराकरिप्रायतया ससञ्ज ॥ज्ग्च् १,२।५०॥ [उपजाति ११] अमिलन-हठ-कृद् यदामिलद् वा हरिम् अथ भेदयितेयम् आशु केन । द्वयम् अपि चरितं न चित्रम् अस्या यद् अलम् असौ रस-रूपताम् अयासीत् ॥ज्ग्च् १,२।५१॥ [पुष्पिताग्रा] श्री-कृष्ण कृष्ण-चैतन्य स-सनातन-रूपक । गोपाल रघुनाथाप्त- व्रज-वल्लभ पाहि माम्
"adṛṣṭe darśanotkaṇṭhāṃ dṛṣṭe tu tvam apahnutim | sarvadā kurvatī kṛṣṇe kīdṛśīti na lakṣyase ||JGc 1,2.48|| [anuṣṭubh] tataḥ sakhībhyāṃ sugṛhīta-bāhur nītāpi madhye-gṛham āyatākṣī | stambhena bāhyena tathāntareṇa, kṛtāvalambā cakṛṣe priyeṇa ||JGc 1,2.49|| [upajāti 11] balena kṛṣṭā hariṇāpy analpaṃ talpaṃ gatāsīn milituṃ ca lolā | tathāpi nāyād ṛjutāṃ tu kintu karākariprāyatayā sasañja ||JGc 1,2.50|| [upajāti 11] amilana-haṭha-kṛd yadāmilad vā harim atha bhedayiteyam āśu kena | dvayam api caritaṃ na citram asyā yad alam asau rasa-rūpatām ayāsīt ||JGc 1,2.51|| [puṣpitāgrā] śrī-kṛṣṇa kṛṣṇa-caitanya sa-sanātana-rūpaka | gopāla raghunāthāpta- vraja-vallabha pāhi mām
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.