तं भक्तं नेश्वरो ऽनैषीत् सदेहं यत् सधर्मताम् । तत्र हेतुर् ध्रुवं तस्मिन् सौभाग्यान् मदनभ्रमः ॥ ज्र्त् ब्।५३४ ॥ शौर्यौदार्यविधौ विधौतविविधश्लोके नृलोकेश्वरे तस्मिन्न् अस्तम् उपागते गुणिगणत्राणोच्चरन्नैपुणे । शक्रेणोन्नमितं शिरः परिभवत्रासापसाराद् ध्रुवं भूभारोद्वहनात् पुनर् विनमितं शेषेण शोकस्पृशा ॥ ज्र्त् ब्।५३५ ॥ प्रत्यक्षं ज्वलतः प्रतापशिखिनस् स्वीकृत्य यां भुक्तवान् नान्यान् आद्रियताधिकं स्पृहयतस् तद्रागबन्धाच् च या । तां भूमिं प्रविहाय हायम् अगमद् द्यां शक्रभुक्तां चिरं पुंसां स्त्रीषु कदापि न प्रभवति प्रेमग्रहप्रत्ययः ॥ ज्र्त् ब्।५३६ ॥ ज्यैष्ठशुक्लचतुर्दश्यां तानाङ्के ऽब्दे महीपतिः । आलिङ्ग्य नाकवनितास् स्तनौन्नत्यम् अपीफलत्
taṃ bhaktaṃ neśvaro 'naiṣīt sadehaṃ yat sadharmatām / tatra hetur dhruvaṃ tasmin saubhāgyān madanabhramaḥ // JRt B.534 // śauryaudāryavidhau vidhautavividhaśloke nṛlokeśvare tasminn astam upāgate guṇigaṇatrāṇoccarannaipuṇe / śakreṇonnamitaṃ śiraḥ paribhavatrāsāpasārād dhruvaṃ bhūbhārodvahanāt punar vinamitaṃ śeṣeṇa śokaspṛśā // JRt B.535 // pratyakṣaṃ jvalataḥ pratāpaśikhinas svīkṛtya yāṃ bhuktavān nānyān ādriyatādhikaṃ spṛhayatas tadrāgabandhāc ca yā / tāṃ bhūmiṃ pravihāya hāyam agamad dyāṃ śakrabhuktāṃ ciraṃ puṃsāṃ strīṣu kadāpi na prabhavati premagrahapratyayaḥ // JRt B.536 // jyaiṣṭhaśuklacaturdaśyāṃ tānāṅke 'bde mahīpatiḥ / āliṅgya nākavanitās stanaunnatyam apīphalat
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.