मडवासरणिं वक्रां सिद्धिहेतुं विदन् रहः । श्वशुरं वर्णितस्वीयरहस्यं मडवापतिम् ॥ ज्र्त् ब्।६२५ ॥ गङ्गराजम् अथायाचत् तन्मार्गेण विनिर्गमम् । अन्ते नश्यति धीः पुंसस् सहस्रांशोर् इव द्युतिः ॥ ज्र्त् ब्।६२६ ॥ न यद्य् उद्भेदयेत् कन्दकोटिं शृङ्गाटम् उन्नताम् । कस् तस्यान्तर्निमग्नस्य ज्ञातुं शक्तो भवेत् स्थितिम् ॥ ज्र्त् ब्।६२७ ॥ स्वनाशशङ्कया गङ्गराजे तद्द्रोहवर्णिनि । इद्धतेजा नृपः क्रुद्धो रुणद्धि स्मोदयश्रियम् ॥ ज्र्त् ब्।६२८ ॥ परीक्षितुम् इवोद्युक्तैर् गुरोस् तस्य च शेमुषीम् । सुरैर् इवार्थितो राजा क्रोधाद् व्यापादयत् स तम्
maḍavāsaraṇiṃ vakrāṃ siddhihetuṃ vidan rahaḥ / śvaśuraṃ varṇitasvīyarahasyaṃ maḍavāpatim // JRt B.625 // gaṅgarājam athāyācat tanmārgeṇa vinirgamam / ante naśyati dhīḥ puṃsas sahasrāṃśor iva dyutiḥ // JRt B.626 // na yady udbhedayet kandakoṭiṃ śṛṅgāṭam unnatām / kas tasyāntarnimagnasya jñātuṃ śakto bhavet sthitim // JRt B.627 // svanāśaśaṅkayā gaṅgarāje taddrohavarṇini / iddhatejā nṛpaḥ kruddho ruṇaddhi smodayaśriyam // JRt B.628 // parīkṣitum ivodyuktair guros tasya ca śemuṣīm / surair ivārthito rājā krodhād vyāpādayat sa tam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.