मया वैरिवरान् नीत्वा कारागारकुटुम्बिताम् । निवारितं विलोलत्वं नैसर्गिकम् अपि श्रियः ॥ ज्र्त् ब्।६४२ ॥ यथापराधं दण्डेन हरता धर्मविप्लवम् । प्रजा अपक्षपातेन स्वप्रजा इव पालिताः ॥ ज्र्त् ब्।६४३ ॥ नीताश् चिराय निर्मथ्य विपश्चिज्जनवारिधिम् । कियन्तो ऽपि मया स्वीयां मैत्रीं शास्त्रमणिप्रभाः ॥ ज्र्त् ब्।६४४ ॥ इति मे कृतकृत्यस्य शोकशङ्कुर् अयं परम् । प्राज्यसाम्राज्यभारस्य वोढा नास्ति कुलाङ्कुरः ॥ ज्र्त् ब्।६४५ ॥ इति श्रुत्वा वचस् तस्य वंशच्छेदतमोमुषम् । दर्शयन् दशनज्योत्स्नां योगी तं प्रत्यभाषत ॥ ज्र्त् ब्।६४६ ॥ मा विषादं कृथा राजन् पुत्रानुत्पत्तिहेतुकम् । न हि किञ्चित् कदाचित् स्याद् दुरापं पुण्यशालिनाम् ॥ ज्र्त् ब्।६४७ ॥ पुत्रोत्पत्तिनिमित्तं मे योगिनो ऽप्य् आनुषङ्गिकम् । किञ्चित् सञ्चितम् अस्त्य् एव तत् तवास्तूपकारकृत् ॥ ज्र्त् ब्।६४८ ॥ गुणैस् समम् इमं मे च कश्मीरागमनोद्यमम् । फलयत्व् एव महिषी भुञ्जाना गुलिकाम् इमाम् ॥ ज्र्त् ब्।६४९ ॥ कुलतन्तौ समुत्पन्ने त्रिलोकाभयलग्नके । नरोत्तमो जगत्त्राणचिन्तातानवम् अश्नुताम् ॥ ज्र्त् ब्।६५० ॥ इत्य् ऊचुषो ऽथ योगीन्द्राद् आदाय गुलिकां नृपः । अभोजयत् स महिषीं चरुं दशरथो यथा । देवीम् अभोजयन् मूर्तां प्रसादपदवीम् इव ॥ ज्र्त् ब्।६५१ ॥ अन्वयाभरणं देवी पितुर् आनन्दपारणम् । तमोहरणम् अर्यन्धङ्करणं सुषुवे सुतम्
mayā vairivarān nītvā kārāgārakuṭumbitām / nivāritaṃ vilolatvaṃ naisargikam api śriyaḥ // JRt B.642 // yathāparādhaṃ daṇḍena haratā dharmaviplavam / prajā apakṣapātena svaprajā iva pālitāḥ // JRt B.643 // nītāś cirāya nirmathya vipaścijjanavāridhim / kiyanto 'pi mayā svīyāṃ maitrīṃ śāstramaṇiprabhāḥ // JRt B.644 // iti me kṛtakṛtyasya śokaśaṅkur ayaṃ param / prājyasāmrājyabhārasya voḍhā nāsti kulāṅkuraḥ // JRt B.645 // iti śrutvā vacas tasya vaṃśacchedatamomuṣam / darśayan daśanajyotsnāṃ yogī taṃ pratyabhāṣata // JRt B.646 // mā viṣādaṃ kṛthā rājan putrānutpattihetukam / na hi kiñcit kadācit syād durāpaṃ puṇyaśālinām // JRt B.647 // putrotpattinimittaṃ me yogino 'py ānuṣaṅgikam / kiñcit sañcitam asty eva tat tavāstūpakārakṛt // JRt B.648 // guṇais samam imaṃ me ca kaśmīrāgamanodyamam / phalayatv eva mahiṣī bhuñjānā gulikām imām // JRt B.649 // kulatantau samutpanne trilokābhayalagnake / narottamo jagattrāṇacintātānavam aśnutām // JRt B.650 // ity ūcuṣo 'tha yogīndrād ādāya gulikāṃ nṛpaḥ / abhojayat sa mahiṣīṃ caruṃ daśaratho yathā / devīm abhojayan mūrtāṃ prasādapadavīm iva // JRt B.651 // anvayābharaṇaṃ devī pitur ānandapāraṇam / tamoharaṇam aryandhaṅkaraṇaṃ suṣuve sutam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.