पाषाणान् देवसान्निध्यभ्रमेणैष जनो नमन् । त्वत्प्रणामविशुद्धं स्वशिरो दूषयति ध्रुवम् ॥ ज्र्त् ब्।७५१ ॥ मायया कवलक्षोभसंसर्गान्धंभविष्णुषु । श्रद्दधीत च देवत्वम् ईश्वराद् इतरेषु कः ॥ ज्र्त् ब्।७५२ ॥ मुखानि कमलानीव रज्जवो भुजगा इव । शुक्तयो रजतानीव स्थाणवः पुरुषा इव ॥ ज्र्त् ब्।७५३ ॥ मायेन्द्रजालसन्दर्भप्रभवादिनयोदिताः । ये च केचिज् जडैर् देवा भ्रान्तिशक्त्या प्रकल्पिताः ॥ ज्र्त् ब्।७५४ ॥ सन्निधापयितुं तान् कः प्रतिमासु क्षमो भवेत् । ग्रहीतुं मारुतं मुष्टौ सौष्ठवं कस्य दृश्यते ॥ ज्र्त् ब्।७५५ ॥ ते च सन्निहिताः किं वा कुर्युः कर्म नियन्त्रिताः । शिल्पिभिः कल्प्यमानासु स्वतुल्यावयवास्व् अपि ॥ ज्र्त् ब्।७५६ ॥ कलिकाले स्फुरत्य् अद्य तिष्ठेरंस् ते जना हि किम् । तेजस्तिमिरयोर् नास्ति साधारणपदस्थितिः ॥ ज्र्त् ब्।७५७ ॥ तेनेत्यादिकुतर्कोक्त्या दुरमात्येन पापिना । निरस्तो देवताभावः प्रतिमाभ्यो महीपतेः ॥ ज्र्त् ब्।७५८ ॥ सुरासुराणां समरे सज्जानां सततं तदा । असुरैर् विजितं नूनम् अन्यथा कथम् अप्य् अयुः ॥ ज्र्त् ब्।७५९ ॥ विध्वस्ताः प्रतिमास् सर्वा गीर्वाणानां शिला इव । न विघ्नो भञ्जकानां च प्राग्वद् दृष्टः कदाचन ॥ ज्र्त् ब्।७६० ॥ विहाय राजकार्याणि प्रजाभाग्यविपर्ययात् । देवानां प्रतिमाभङ्गे राजारज्यद् अहर्निशम्
pāṣāṇān devasānnidhyabhrameṇaiṣa jano naman / tvatpraṇāmaviśuddhaṃ svaśiro dūṣayati dhruvam // JRt B.751 // māyayā kavalakṣobhasaṃsargāndhaṃbhaviṣṇuṣu / śraddadhīta ca devatvam īśvarād itareṣu kaḥ // JRt B.752 // mukhāni kamalānīva rajjavo bhujagā iva / śuktayo rajatānīva sthāṇavaḥ puruṣā iva // JRt B.753 // māyendrajālasandarbhaprabhavādinayoditāḥ / ye ca kecij jaḍair devā bhrāntiśaktyā prakalpitāḥ // JRt B.754 // sannidhāpayituṃ tān kaḥ pratimāsu kṣamo bhavet / grahītuṃ mārutaṃ muṣṭau sauṣṭhavaṃ kasya dṛśyate // JRt B.755 // te ca sannihitāḥ kiṃ vā kuryuḥ karma niyantritāḥ / śilpibhiḥ kalpyamānāsu svatulyāvayavāsv api // JRt B.756 // kalikāle sphuraty adya tiṣṭheraṃs te janā hi kim / tejastimirayor nāsti sādhāraṇapadasthitiḥ // JRt B.757 // tenetyādikutarkoktyā duramātyena pāpinā / nirasto devatābhāvaḥ pratimābhyo mahīpateḥ // JRt B.758 // surāsurāṇāṃ samare sajjānāṃ satataṃ tadā / asurair vijitaṃ nūnam anyathā katham apy ayuḥ // JRt B.759 // vidhvastāḥ pratimās sarvā gīrvāṇānāṃ śilā iva / na vighno bhañjakānāṃ ca prāgvad dṛṣṭaḥ kadācana // JRt B.760 // vihāya rājakāryāṇi prajābhāgyaviparyayāt / devānāṃ pratimābhaṅge rājārajyad aharniśam
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.