मारुतस्येव वीरस्येव गतिः क्वापि न हन्यते । श्रुत्वा तद्गमनं दूतान् मन्त्रनिर्भेदशङ्कितः । लद्दमार्गपतिं रोद्धुं सहसा समचिन्तयत् ॥ ज्र्त् ब्।८१६ ॥ रुजस् संवीक्षणव्याजान् मार्गेशस्य शयाप्तये । विश्वासनाय च प्रास्यद् भट्टोत्सं तस्य सद्मनि ॥ ज्र्त् ब्।८१७ ॥ चिकित्सकौषधाहारी मार्गेशतिमिनादृतः । नाबोधि पिण्डीनिर्गूढबडिशं पुनर् उत्सवः ॥ ज्र्त् ब्।८१८ ॥ तावन् मार्गपतेस् सौधं सिंहनादोद्भटैर् भटैः । जवाद् रोधितवान् मन्त्री दाशो नीडं तृणैर् इव ॥ ज्र्त् ब्।८१९ ॥ तीक्ष्णैर् अपि दयाविष्टैर् इष्टैर् इव स विह्वलैः । कथञ्चिद् दोषरहितो मार्गेशस् समरुध्यत ॥ ज्र्त् ब्।८२० ॥ निरुध्यमानं निश्शङ्कम् अगदङ्कारशङ्करम् । अप्रयुक्तातितीक्ष्णापि शस्त्री धीश् च व्यडम्बयत्
mārutasyeva vīrasyeva gatiḥ kvāpi na hanyate / śrutvā tadgamanaṃ dūtān mantranirbhedaśaṅkitaḥ / laddamārgapatiṃ roddhuṃ sahasā samacintayat // JRt B.816 // rujas saṃvīkṣaṇavyājān mārgeśasya śayāptaye / viśvāsanāya ca prāsyad bhaṭṭotsaṃ tasya sadmani // JRt B.817 // cikitsakauṣadhāhārī mārgeśatiminādṛtaḥ / nābodhi piṇḍīnirgūḍhabaḍiśaṃ punar utsavaḥ // JRt B.818 // tāvan mārgapates saudhaṃ siṃhanādodbhaṭair bhaṭaiḥ / javād rodhitavān mantrī dāśo nīḍaṃ tṛṇair iva // JRt B.819 // tīkṣṇair api dayāviṣṭair iṣṭair iva sa vihvalaiḥ / kathañcid doṣarahito mārgeśas samarudhyata // JRt B.820 // nirudhyamānaṃ niśśaṅkam agadaṅkāraśaṅkaram / aprayuktātitīkṣṇāpi śastrī dhīś ca vyaḍambayat
Devanagari rendered by HREEM from the edition's roman (IAST) text; the IAST is the edition's own.
Sanskrit only: no published translation is held for this verse.