सा पृथक्सलिलं कामदुघाक्षिति प्राणसंहितं चक्षुश्श्रोत्रं वाक्प्रभूतम् मनसा व्याप्तं हृदयाग्रम् ब्राह्मणभक्तम् अन्नशुभं वर्षपवित्रं गोभगम् पृथिव्युपरं तपस्तनु वरुणपरियतनम् इन्द्रश्रेष्ठं सहस्राक्षरम् अयुतधारम् अमृतं दुहाना सर्वान् इमांल् लोकान् अभिविक्षरतीति
sā pṛthaksalilaṃ kāmadughākṣiti prāṇasaṃhitaṃ cakṣuśśrotraṃ vākprabhūtam manasā vyāptaṃ hṛdayāgram brāhmaṇabhaktam annaśubhaṃ varṣapavitraṃ gobhagam pṛthivyuparaṃ tapastanu varuṇapariyatanam indraśreṣṭhaṃ sahasrākṣaram ayutadhāram amṛtaṃ duhānā sarvān imāṃl lokān abhivikṣaratīti
Sanskrit only: no published translation is held for this verse.
तद् एतत् सत्यम् अक्षरं यद् ओम् इति
तस्मिन्न् आपः प्रतिष्ठिता अप्सु पृथिवी पृथिव्याम् इमे लोकाः
tad etat satyam akṣaraṃ yad om iti
tasminn āpaḥ pratiṣṭhitā apsu pṛthivī pṛthivyām ime lokāḥ
Sanskrit only: no published translation is held for this verse.
यथा सूच्या पलाशानि संतृण्णानि स्युर् एवम् एतेनाक्षरेणेमे लोकाः संतृण्णाः
yathā sūcyā palāśāni saṃtṛṇṇāni syur evam etenākṣareṇeme lokāḥ saṃtṛṇṇāḥ
Sanskrit only: no published translation is held for this verse.
तद् इदम् इमान् अतिविध्य दशधा क्षरति शतधा सहस्रधायुतधा प्रयुतधा नियुतधार्बुदधा न्यर्बुदधा निखर्वधा पद्मम् अक्षितिर् व्योमान्तः
tad idam imān atividhya daśadhā kṣarati śatadhā sahasradhāyutadhā prayutadhā niyutadhārbudadhā nyarbudadhā nikharvadhā padmam akṣitir vyomāntaḥ
Sanskrit only: no published translation is held for this verse.
यथौघो विष्यन्दमानः परः परोवरीयान् भवत्य् एवम् एवैतद् अक्षरम् परः परोवरीयो भवति
yathaugho viṣyandamānaḥ paraḥ parovarīyān bhavaty evam evaitad akṣaram paraḥ parovarīyo bhavati
Sanskrit only: no published translation is held for this verse.
ते हैते लोका ऊर्ध्वा एव श्रिताः
इम एवं त्रयोदशमासाः
te haite lokā ūrdhvā eva śritāḥ
ima evaṃ trayodaśamāsāḥ
Sanskrit only: no published translation is held for this verse.
स य एवं विद्वान् उद्गायति स एवम् एवैतांल्लोकान् अतिवहति
ओम् इत्य् एतेनाक्षरेणामुम् आदित्यम् मुख आधत्ते
एष ह वा एतद् अक्षरम्
sa ya evaṃ vidvān udgāyati sa evam evaitāṃllokān ativahati
om ity etenākṣareṇāmum ādityam mukha ādhatte
eṣa ha vā etad akṣaram
Sanskrit only: no published translation is held for this verse.
तस्य सर्वम् आप्तम् भवति सर्वं जितं न हास्य कश्चन कामो ऽनाप्तो भवति य एवं वेद
tasya sarvam āptam bhavati sarvaṃ jitaṃ na hāsya kaścana kāmo 'nāpto bhavati ya evaṃ veda
Sanskrit only: no published translation is held for this verse.
तद्ध पृथुर् वैन्यो दिव्यान् व्रात्यान् पप्रच्छ स्थूणां दिवस्तम्भनीं सूर्यम् आहुर् अन्तरिक्षे सूर्यः पृथिवीप्रतिष्ठः
अप्सु भूमीः शिश्यिरे भूरिभाराः किं स्विन् महीर् अधितिष्ठन्त्य् आप इति
taddha pṛthur vainyo divyān vrātyān papraccha sthūṇāṃ divastambhanīṃ sūryam āhur antarikṣe sūryaḥ pṛthivīpratiṣṭhaḥ
apsu bhūmīḥ śiśyire bhūribhārāḥ kiṃ svin mahīr adhitiṣṭhanty āpa iti
Sanskrit only: no published translation is held for this verse.
ते ह प्रत्यूचुः स्थूणाम् एव दिवस्तम्भनीं सूर्यम् आहुर् अन्तरिक्षे सूर्यः पृथिवीप्रतिष्ठः
अप्सु भूमीः शिश्यिरे भूरिभाराः सत्यम् महीर् अधितिष्ठन्त्य् आप इति
te ha pratyūcuḥ sthūṇām eva divastambhanīṃ sūryam āhur antarikṣe sūryaḥ pṛthivīpratiṣṭhaḥ
apsu bhūmīḥ śiśyire bhūribhārāḥ satyam mahīr adhitiṣṭhanty āpa iti
Sanskrit only: no published translation is held for this verse.
ओम् इत्य् एतद् एवाक्षरं सत्यम्
तद् एतद् आपो ऽधितिष्ठन्ति
om ity etad evākṣaraṃ satyam
tad etad āpo 'dhitiṣṭhanti
Sanskrit only: no published translation is held for this verse.