Jaiminīya Upaniṣad Brāhmaṇa (Sāmaveda) 1.11

प्रजापतिः प्रजा असृजत ता एनं सृष्टा अन्नकाशिनीर् अभितस् समन्तम् पर्यविशन्

prajāpatiḥ prajā asṛjata tā enaṃ sṛṣṭā annakāśinīr abhitas samantam paryaviśan

Sanskrit only: no published translation is held for this verse.

ता अब्रवीत् किंकामाः स्थेति अन्नाद्यकामा इत्य् अब्रुवन्

tā abravīt kiṃkāmāḥ stheti annādyakāmā ity abruvan

Sanskrit only: no published translation is held for this verse.

सो ऽब्रवीद् एकं वै वेदम् अन्नाद्यम् असृक्षि सामैव तद् वः प्रयच्छानीति तन् नः प्रयच्छेत्य् अब्रुवन्

so 'bravīd ekaṃ vai vedam annādyam asṛkṣi sāmaiva tad vaḥ prayacchānīti tan naḥ prayacchety abruvan

Sanskrit only: no published translation is held for this verse.

सो ऽब्रवीद् इमान् वै पशून् भूयिष्ठम् उपजीवामः एभ्यः प्रथमम् प्रदास्यामीति

so 'bravīd imān vai paśūn bhūyiṣṭham upajīvāmaḥ ebhyaḥ prathamam pradāsyāmīti

Sanskrit only: no published translation is held for this verse.

तेभ्यो हिङ्कारम् प्रायच्छत् तस्मात् पशवो हिङ्करिक्रतो विजिज्ञासमाना इव चरन्ति

tebhyo hiṅkāram prāyacchat tasmāt paśavo hiṅkarikrato vijijñāsamānā iva caranti

Sanskrit only: no published translation is held for this verse.

प्रस्तावम् मनुष्येभ्यः तस्माद् उ ते स्तुवत इवेदम् मे भविष्यत्य् अदो मे भविष्यतीति

prastāvam manuṣyebhyaḥ tasmād u te stuvata ivedam me bhaviṣyaty ado me bhaviṣyatīti

Sanskrit only: no published translation is held for this verse.

आदिं वयोभ्यः तस्मात् तान्य् आददानान्य् उपापपातम् इव चरन्ति

ādiṃ vayobhyaḥ tasmāt tāny ādadānāny upāpapātam iva caranti

Sanskrit only: no published translation is held for this verse.

उद्गीथं देवेभ्यो ऽमृतम् तस्मात् ते ऽमृताः

udgīthaṃ devebhyo 'mṛtam tasmāt te 'mṛtāḥ

Sanskrit only: no published translation is held for this verse.

प्रतिहारम् आरण्येभ्यः पशुभ्यः तस्मात् ते प्रतिहृतास् तन्तस्यमाना इव चरन्ति

pratihāram āraṇyebhyaḥ paśubhyaḥ tasmāt te pratihṛtās tantasyamānā iva caranti

Sanskrit only: no published translation is held for this verse.