Jaiminīya Upaniṣad Brāhmaṇa (Sāmaveda) 1.12

उपद्रवं गन्धर्वाप्सरोभ्यः तस्मात् त उपद्रवं गृह्णन्त इव चरन्ति

upadravaṃ gandharvāpsarobhyaḥ tasmāt ta upadravaṃ gṛhṇanta iva caranti

Sanskrit only: no published translation is held for this verse.

निधनम् पितृभ्यस् तस्माद् उ ते निधनसंस्थाः

nidhanam pitṛbhyas tasmād u te nidhanasaṃsthāḥ

Sanskrit only: no published translation is held for this verse.

तद् यद् एभ्यस् तत् साम प्रायच्छद् एतम् एवैभ्यस् तद् आदित्यम् प्रायच्छत्

tad yad ebhyas tat sāma prāyacchad etam evaibhyas tad ādityam prāyacchat

Sanskrit only: no published translation is held for this verse.

स यद् अनुदितः स हिङ्कारो ऽर्धोदितः प्रस्ताव आ संगवम् आदिर् माध्यन्दिन उद्गीथो ऽपराह्णः प्रतिहारो यद् उपास्तमयं लोहितायति स उपद्रवो ऽस्तमित एव निधनम्

sa yad anuditaḥ sa hiṅkāro 'rdhoditaḥ prastāva ā saṃgavam ādir mādhyandina udgītho 'parāhṇaḥ pratihāro yad upāstamayaṃ lohitāyati sa upadravo 'stamita eva nidhanam

Sanskrit only: no published translation is held for this verse.

स एष सर्वैर् लोकैः समः तद् यद् एष सर्वैर् लोकैः समस् तस्माद् एष एव साम स ह वै सामवित् स साम वेद य एवं वेद

sa eṣa sarvair lokaiḥ samaḥ tad yad eṣa sarvair lokaiḥ samas tasmād eṣa eva sāma sa ha vai sāmavit sa sāma veda ya evaṃ veda

Sanskrit only: no published translation is held for this verse.

ते ऽब्रुवन् दूरे वा इदम् अस्मत् तत्रेदं कुरु यत्रोपजीवामेति

te 'bruvan dūre vā idam asmat tatredaṃ kuru yatropajīvāmeti

Sanskrit only: no published translation is held for this verse.

तद् ऋतून् अभ्यत्यनयत् स वसन्तम् एव हिङ्कारम् अकरोद् ग्रीष्मम् प्रस्तावं वर्षाम् उद्गीथं शरदम् प्रतिहारं हेमन्तं निधनम् मासार्धमासाव् एव सप्तमावकरोत्

tad ṛtūn abhyatyanayat sa vasantam eva hiṅkāram akarod grīṣmam prastāvaṃ varṣām udgīthaṃ śaradam pratihāraṃ hemantaṃ nidhanam māsārdhamāsāv eva saptamāvakarot

Sanskrit only: no published translation is held for this verse.

ते ऽब्रुवन् नेदीयो न्वावैतर्हि तत्रैव कुरु यत्रोपजीवामेति

te 'bruvan nedīyo nvāvaitarhi tatraiva kuru yatropajīvāmeti

Sanskrit only: no published translation is held for this verse.

तत् पर्जन्यम् अभ्यत्यनयत् स पुरोवातम् एव हिङ्कारम् अकरोत्

tat parjanyam abhyatyanayat sa purovātam eva hiṅkāram akarot

Sanskrit only: no published translation is held for this verse.