Jaiminīya Upaniṣad Brāhmaṇa (Sāmaveda) 1.13

जीमूतान् प्रस्तावं स्तनयित्नुम् उद्गीथं विद्युतम् प्रतिहारं वृष्टिं निधनम् यद् वृष्टात् प्रजाश् चौषधयश् च जायन्ते ते सप्तम्याव् अकरोत्

jīmūtān prastāvaṃ stanayitnum udgīthaṃ vidyutam pratihāraṃ vṛṣṭiṃ nidhanam yad vṛṣṭāt prajāś cauṣadhayaś ca jāyante te saptamyāv akarot

Sanskrit only: no published translation is held for this verse.

ते ऽब्रुवन् नेदीयो न्वावैतर्हि तत्रैव कुरु यत्रोपजीवामेति

te 'bruvan nedīyo nvāvaitarhi tatraiva kuru yatropajīvāmeti

Sanskrit only: no published translation is held for this verse.

तद् यज्ञम् अभ्यत्यनयत् स यजूंष्य् एव हिङ्कारम् अकरोद् ऋचः प्रस्तावं सामान्य् उद्गीथं स्तोमम् प्रतिहारं छन्दो निधनम् स्वाहाकारवषट्काराव् एव सप्तमाव् अकरोत्

tad yajñam abhyatyanayat sa yajūṃṣy eva hiṅkāram akarod ṛcaḥ prastāvaṃ sāmāny udgīthaṃ stomam pratihāraṃ chando nidhanam svāhākāravaṣaṭkārāv eva saptamāv akarot

Sanskrit only: no published translation is held for this verse.

ते ऽब्रुवन् नेदीयो न्वावैतर्हि तत्रैव कुरु यत्रोपजीवामेति

te 'bruvan nedīyo nvāvaitarhi tatraiva kuru yatropajīvāmeti

Sanskrit only: no published translation is held for this verse.

तत् पुरुषम् अभ्यत्यनयत् स मन एव हिङ्कारम् अकरोद् वाचम् प्रस्तावम् प्राणम् उद्गीथं चक्षुः प्रतिहारं श्रोत्रं निधनम् रेतश् चैव प्रजां च सप्तमाव् अकरोत्

tat puruṣam abhyatyanayat sa mana eva hiṅkāram akarod vācam prastāvam prāṇam udgīthaṃ cakṣuḥ pratihāraṃ śrotraṃ nidhanam retaś caiva prajāṃ ca saptamāv akarot

Sanskrit only: no published translation is held for this verse.

ते ऽब्रुवन्न् अत्र वा एनत् तद् अकर् यत्रोपजीविष्याम इति

te 'bruvann atra vā enat tad akar yatropajīviṣyāma iti

Sanskrit only: no published translation is held for this verse.

स विद्याद् अहम् एव सामास्मि मय्य् एता देवता इति

sa vidyād aham eva sāmāsmi mayy etā devatā iti

Sanskrit only: no published translation is held for this verse.