Jaiminīya Upaniṣad Brāhmaṇa (Sāmaveda) 1.16

सैवर्ग् अभवद् इयम् एव श्रीः अतो देवा अभवन्

saivarg abhavad iyam eva śrīḥ ato devā abhavan

Sanskrit only: no published translation is held for this verse.

अथैषाम् इमाम् असुराः श्रियम् अविन्दन्त तद् एवासुरम् अभवत्

athaiṣām imām asurāḥ śriyam avindanta tad evāsuram abhavat

Sanskrit only: no published translation is held for this verse.

ते देवा अब्रुवन् या वै नः श्रीर् अभूद् अविदन्त ताम् असुराः कथं न्व् एषाम् इमां श्रियम् पुनर् एव जयेमेति

te devā abruvan yā vai naḥ śrīr abhūd avidanta tām asurāḥ kathaṃ nv eṣām imāṃ śriyam punar eva jayemeti

Sanskrit only: no published translation is held for this verse.

ते ऽब्रुवन्न् ऋच्य् एव साम गायामेति ते पुनः प्रत्याद्रुत्यर्चि सामागायन् तेनास्माल्लोकाद् असुरान् अनुदन्त

te 'bruvann ṛcy eva sāma gāyāmeti te punaḥ pratyādrutyarci sāmāgāyan tenāsmāllokād asurān anudanta

Sanskrit only: no published translation is held for this verse.

तद् वै माध्यन्दिने च सवने तृतीयसवने च नर्चो ऽपराधो ऽस्ति स यत् ते ऋचि गायति तेनास्माल् लोकाद् द्विषन्तम् भ्रातृव्यं नुदते अथ यद् अमृते देवतासु प्रातस्सवनं गायति तेन स्वर्गं लोकम् एति

tad vai mādhyandine ca savane tṛtīyasavane ca narco 'parādho 'sti sa yat te ṛci gāyati tenāsmāl lokād dviṣantam bhrātṛvyaṃ nudate atha yad amṛte devatāsu prātassavanaṃ gāyati tena svargaṃ lokam eti

Sanskrit only: no published translation is held for this verse.

प्रजापतिर् वै साम्नेमां जितिम् अजयद् यास्येयं जितिस् ताम् स स्वर्गं लोकम् आरोहत्

prajāpatir vai sāmnemāṃ jitim ajayad yāsyeyaṃ jitis tām sa svargaṃ lokam ārohat

Sanskrit only: no published translation is held for this verse.

ते देवाः प्रजापतिम् उपेत्याब्रुवन्न् अस्मभ्यम् अपीदं साम प्रयच्छेति तथेति तद् एभ्यः साम प्रायच्छत्

te devāḥ prajāpatim upetyābruvann asmabhyam apīdaṃ sāma prayaccheti tatheti tad ebhyaḥ sāma prāyacchat

Sanskrit only: no published translation is held for this verse.

तद् एनान् इदं साम स्वर्गं लोकं नाकामयत वोढुम्

tad enān idaṃ sāma svargaṃ lokaṃ nākāmayata voḍhum

Sanskrit only: no published translation is held for this verse.

ते देवाः प्रजापतिम् उपेत्याब्रुवन् यद् वै नः साम प्रादा इदं वै नस् तत् स्वर्गं लोकं न कामयते वोढुम् इति

te devāḥ prajāpatim upetyābruvan yad vai naḥ sāma prādā idaṃ vai nas tat svargaṃ lokaṃ na kāmayate voḍhum iti

Sanskrit only: no published translation is held for this verse.

तद् वै पाप्मना संसृजतेति को ऽस्य पाप्मेति ऋग् इति तद् ऋचा समसृजन्

tad vai pāpmanā saṃsṛjateti ko 'sya pāpmeti ṛg iti tad ṛcā samasṛjan

Sanskrit only: no published translation is held for this verse.

तद् इदम् प्रजापतेर् गर्हयमाणम् अतिष्ठद् इदं वै मा तत् पाप्मना समस्राक्षुर् इति सो ऽब्रवीद् यस् त्वैतेन व्यावर्तयाद् व्य् एव स पाप्मना वर्ताता इति

tad idam prajāpater garhayamāṇam atiṣṭhad idaṃ vai mā tat pāpmanā samasrākṣur iti so 'bravīd yas tvaitena vyāvartayād vy eva sa pāpmanā vartātā iti

Sanskrit only: no published translation is held for this verse.

स य एतद् ऋचा प्रातस्सवने व्यावर्तयति व्य् एवं स पाप्मना वर्तते

sa ya etad ṛcā prātassavane vyāvartayati vy evaṃ sa pāpmanā vartate

Sanskrit only: no published translation is held for this verse.