Jaiminīya Upaniṣad Brāhmaṇa (Sāmaveda) 1.18

प्रजापतिर् देवान् असृजत तान् मृत्युः पाप्मान्वसृज्यत

prajāpatir devān asṛjata tān mṛtyuḥ pāpmānvasṛjyata

Sanskrit only: no published translation is held for this verse.

ते देवाः प्रजापतिम् उपेत्याब्रुवन् कस्माद् उ नो ऽसृष्ठा मृत्युं चेन् नः पाप्मानम् अन्ववस्रक्ष्यन्न् आसिथेति

te devāḥ prajāpatim upetyābruvan kasmād u no 'sṛṣṭhā mṛtyuṃ cen naḥ pāpmānam anvavasrakṣyann āsitheti

Sanskrit only: no published translation is held for this verse.

तान् अब्रवीच् छन्दांसि संभरत तानि यथायतनम् प्रविशत ततो मृत्युना पाप्मना व्यावर्त्स्यथेति

tān abravīc chandāṃsi saṃbharata tāni yathāyatanam praviśata tato mṛtyunā pāpmanā vyāvartsyatheti

Sanskrit only: no published translation is held for this verse.

वसवो गायत्रीं समभरन् तां ते प्राविशन् तान् साच्छादयत्

vasavo gāyatrīṃ samabharan tāṃ te prāviśan tān sācchādayat

Sanskrit only: no published translation is held for this verse.

रुद्रास् त्रिष्टुभं समभरन् तां ते प्राविशन् तान् साच्छादयत्

rudrās triṣṭubhaṃ samabharan tāṃ te prāviśan tān sācchādayat

Sanskrit only: no published translation is held for this verse.

आदित्या जगतीं समभरन् तां ते प्राविशन् तान् साच्छादयत्

ādityā jagatīṃ samabharan tāṃ te prāviśan tān sācchādayat

Sanskrit only: no published translation is held for this verse.

विश्वे देवा अनुष्टुभं समभरन् तां ते प्राविशन् तान् साच्छादयत्

viśve devā anuṣṭubhaṃ samabharan tāṃ te prāviśan tān sācchādayat

Sanskrit only: no published translation is held for this verse.

तान् अस्याम् ऋच्य् अस्वरायाम् मृत्युर् निरजानाद् यथा मणौ मणिसूत्रम् परिपश्येद् एवम्

tān asyām ṛcy asvarāyām mṛtyur nirajānād yathā maṇau maṇisūtram paripaśyed evam

Sanskrit only: no published translation is held for this verse.

ते स्वरम् प्राविशन् तान् स्वरे सतो न निरजानात् स्वरस्य तु घोषेनान्वैत्

te svaram prāviśan tān svare sato na nirajānāt svarasya tu ghoṣenānvait

Sanskrit only: no published translation is held for this verse.

त ओम् इत्य् एतद् एवाक्षरं समारोहन् एतद् एवाक्षरं त्रयी विद्या यद् अदो ऽमृतं तपति तत् प्रपद्य ततो मृत्युना पाप्मना व्यावर्तन्त

ta om ity etad evākṣaraṃ samārohan etad evākṣaraṃ trayī vidyā yad ado 'mṛtaṃ tapati tat prapadya tato mṛtyunā pāpmanā vyāvartanta

Sanskrit only: no published translation is held for this verse.

एवम् एवैवं विद्वान् ओम् इत्य् एतद् एवाक्षरं समारुह्य यद् अदो ऽमृतं तपति तत् प्रपद्य ततो मृत्युना पाप्मना व्यावर्तते ऽथो यस्यैवं विद्वान् उद्गायति

evam evaivaṃ vidvān om ity etad evākṣaraṃ samāruhya yad ado 'mṛtaṃ tapati tat prapadya tato mṛtyunā pāpmanā vyāvartate 'tho yasyaivaṃ vidvān udgāyati

Sanskrit only: no published translation is held for this verse.