Jaiminīya Upaniṣad Brāhmaṇa (Sāmaveda) 1.2

स यद् ओम् इति सो ऽग्निर् वाग् इति पृथिव्य् ओम् इति वायुर् वाग् इत्य् अन्तरिक्षम् ओम् इत्य् आदित्यो वाग् इति द्यौर् ओम् इति प्राणो वाग् इत्य् एव वाक्

sa yad om iti so 'gnir vāg iti pṛthivy om iti vāyur vāg ity antarikṣam om ity ādityo vāg iti dyaur om iti prāṇo vāg ity eva vāk

Sanskrit only: no published translation is held for this verse.

स य एवं विद्वान् उद्गायत्य् ओम् इत्य् एवाग्निम् आदाय पृथिव्याम् प्रतिष्ठापयत्य् ओम् इत्य् एव वायुम् आदायान्तरिक्षे प्रतिष्ठापयत्य् ओम् इत्य् एवादित्यम् आदाय दिवि प्रतिष्ठापयत्य् ओम् इत्य् एव प्राणम् आदाय वाचि प्रतिष्ठापयति

sa ya evaṃ vidvān udgāyaty om ity evāgnim ādāya pṛthivyām pratiṣṭhāpayaty om ity eva vāyum ādāyāntarikṣe pratiṣṭhāpayaty om ity evādityam ādāya divi pratiṣṭhāpayaty om ity eva prāṇam ādāya vāci pratiṣṭhāpayati

Sanskrit only: no published translation is held for this verse.

तद्धैतच्छैलना गायत्रं गायन्त्य् ओवा३च् ओवा३च् ओवा३च् हुम् भा ओवा इति

taddhaitacchailanā gāyatraṃ gāyanty ovā3c ovā3c ovā3c hum bhā ovā iti

Sanskrit only: no published translation is held for this verse.

तद् उ ह तत् पराङ् इवानायुष्यम् इव तद् वायोश् चापां चानु वर्त्म गेयम्

tad u ha tat parāṅ ivānāyuṣyam iva tad vāyoś cāpāṃ cānu vartma geyam

Sanskrit only: no published translation is held for this verse.

यद् वै वायुः पराङ् एव पवेत क्षीयेत स स पुरस्ताद् वाति स दक्षिणतस् स पश्चात् स उत्तरतस् स उपरिष्टात् स सर्वा दिशो ऽनुसंवाति

yad vai vāyuḥ parāṅ eva paveta kṣīyeta sa sa purastād vāti sa dakṣiṇatas sa paścāt sa uttaratas sa upariṣṭāt sa sarvā diśo 'nusaṃvāti

Sanskrit only: no published translation is held for this verse.

तद् एतद् आहुर् इदानीं वा अयम् इतो ऽवासीद् अथेत्थाद् वातीति स यद् रेष्माणं जनमानो निवेष्टमानो वाति क्षयाद् एव बिभ्यत्

tad etad āhur idānīṃ vā ayam ito 'vāsīd athetthād vātīti sa yad reṣmāṇaṃ janamāno niveṣṭamāno vāti kṣayād eva bibhyat

Sanskrit only: no published translation is held for this verse.

यद् उ ह वा आपः पराचीर् एव प्रसृतास् स्यन्देरन् क्षीयेरंस् ताः यद् अङ्कांसि कुर्वाणा निवेष्टमाना आवर्तान् सृजमाना यन्ति क्षयाद् एव बिभ्यतीः तद् एतद् वायोश् चैवापां चानु वर्त्म गेयम्

yad u ha vā āpaḥ parācīr eva prasṛtās syanderan kṣīyeraṃs tāḥ yad aṅkāṃsi kurvāṇā niveṣṭamānā āvartān sṛjamānā yanti kṣayād eva bibhyatīḥ tad etad vāyoś caivāpāṃ cānu vartma geyam

Sanskrit only: no published translation is held for this verse.