Jaiminīya Upaniṣad Brāhmaṇa (Sāmaveda) 1.28

अयम् एवेदम् अग्र आकाश आसीत् स उ एवाप्य् एतर्हि

ayam evedam agra ākāśa āsīt sa u evāpy etarhi

Sanskrit only: no published translation is held for this verse.

स यः स आकाश इन्द्र एव सः स यः स इन्द्र एष एव स य एष एव तपति स एष सप्तरश्मिर् वृषभस् तुविष्मान्

sa yaḥ sa ākāśa indra eva saḥ sa yaḥ sa indra eṣa eva sa ya eṣa eva tapati sa eṣa saptaraśmir vṛṣabhas tuviṣmān

Sanskrit only: no published translation is held for this verse.

तस्य वाङ्मयो रश्मिः प्राङ् प्रतिष्ठितः सा या सा वाग् अग्निः सः स दशधा भवति शतधा सहस्रधायुतधा प्रयुतधा नियुतधार्बुदधा न्यर्बुदधा निखर्वधा पद्मम् अक्षितिर् व्योमान्तः

tasya vāṅmayo raśmiḥ prāṅ pratiṣṭhitaḥ sā yā sā vāg agniḥ saḥ sa daśadhā bhavati śatadhā sahasradhāyutadhā prayutadhā niyutadhārbudadhā nyarbudadhā nikharvadhā padmam akṣitir vyomāntaḥ

Sanskrit only: no published translation is held for this verse.

स एष एतस्य रश्मिर् वाग् भूत्वा सर्वास्व् आसु प्रजासु प्रत्यवस्थितः स यः कश् च वदत्य् एतस्यैव रश्मिना वदति

sa eṣa etasya raśmir vāg bhūtvā sarvāsv āsu prajāsu pratyavasthitaḥ sa yaḥ kaś ca vadaty etasyaiva raśminā vadati

Sanskrit only: no published translation is held for this verse.

अथ मनोमयो दक्षिणा प्रतिष्ठितः तद् यत् तन् मनश् चन्द्रमाः सः स दशधा भवति

atha manomayo dakṣiṇā pratiṣṭhitaḥ tad yat tan manaś candramāḥ saḥ sa daśadhā bhavati

Sanskrit only: no published translation is held for this verse.

स एष एतस्य रश्मिर् मनो भूत्वा सर्वास्व् आसु प्रजासु प्रत्यवस्थितः स यः कश् च मनुत एतस्यैव रश्मिना मनुते

sa eṣa etasya raśmir mano bhūtvā sarvāsv āsu prajāsu pratyavasthitaḥ sa yaḥ kaś ca manuta etasyaiva raśminā manute

Sanskrit only: no published translation is held for this verse.

अथ चक्षुर्मयः प्रत्यङ् प्रतिष्ठितः तद् यत् तच् चक्षुर् आदित्यः सः स दशधा भवति

atha cakṣurmayaḥ pratyaṅ pratiṣṭhitaḥ tad yat tac cakṣur ādityaḥ saḥ sa daśadhā bhavati

Sanskrit only: no published translation is held for this verse.

स एष एतस्य रश्मिश् चक्षुर् भूत्वा सर्वास्व् आसु प्रजासु प्रत्यवस्थितः स यः कश् च पश्यत्य् एतस्यैव रश्मिना पश्यति

sa eṣa etasya raśmiś cakṣur bhūtvā sarvāsv āsu prajāsu pratyavasthitaḥ sa yaḥ kaś ca paśyaty etasyaiva raśminā paśyati

Sanskrit only: no published translation is held for this verse.

अथ श्रोत्रमय उदङ् प्रतिष्ठितः तद् यत् तच् छ्रोत्रं दिशस् ताः स दशधा भवति

atha śrotramaya udaṅ pratiṣṭhitaḥ tad yat tac chrotraṃ diśas tāḥ sa daśadhā bhavati

Sanskrit only: no published translation is held for this verse.

स एष एतस्य रश्मिः श्रोत्रम् भूत्वा सर्वास्व् आसु प्रजासु प्रत्यवस्थितः स यः कश् च शृणोत्य् एतस्यैव रश्मिना शृणोति

sa eṣa etasya raśmiḥ śrotram bhūtvā sarvāsv āsu prajāsu pratyavasthitaḥ sa yaḥ kaś ca śṛṇoty etasyaiva raśminā śṛṇoti

Sanskrit only: no published translation is held for this verse.