Jaiminīya Upaniṣad Brāhmaṇa (Sāmaveda) 1.29

अथ प्राणमय ऊर्ध्वः प्रतिष्ठितः स यः स प्राणो वायुः सः स दशधा भवति

atha prāṇamaya ūrdhvaḥ pratiṣṭhitaḥ sa yaḥ sa prāṇo vāyuḥ saḥ sa daśadhā bhavati

Sanskrit only: no published translation is held for this verse.

स एष एतस्य रश्मिः प्राणो भूत्वा सर्वास्व् आसु प्रजासु प्रत्यवस्थितः स यः कश् च प्राणित्य् एतस्यैव रश्मिना प्राणिति

sa eṣa etasya raśmiḥ prāṇo bhūtvā sarvāsv āsu prajāsu pratyavasthitaḥ sa yaḥ kaś ca prāṇity etasyaiva raśminā prāṇiti

Sanskrit only: no published translation is held for this verse.

अथासुमयस् तिर्यङ् प्रतिष्ठितः स ह स ईशानो नाम स दशधा भवति

athāsumayas tiryaṅ pratiṣṭhitaḥ sa ha sa īśāno nāma sa daśadhā bhavati

Sanskrit only: no published translation is held for this verse.

स एष एतस्य रश्मिर् असुर् भूत्वा सर्वास्व् आसु प्रजासु प्रत्यवस्थितः स यः कश् चासुमान् एतस्यैव रश्मिनासुमान्

sa eṣa etasya raśmir asur bhūtvā sarvāsv āsu prajāsu pratyavasthitaḥ sa yaḥ kaś cāsumān etasyaiva raśmināsumān

Sanskrit only: no published translation is held for this verse.

अथान्नमयो ऽर्वाङ् प्रतिष्ठितः तद् यत् तद् अन्नम् आपस् ताः स दशधा भवति शतधा सहस्रधायुतधा प्रयुतधा नियुतधार्बुदधा न्यर्बुदधा निखर्वधा पद्मम् अक्षितिर् व्योमान्तः

athānnamayo 'rvāṅ pratiṣṭhitaḥ tad yat tad annam āpas tāḥ sa daśadhā bhavati śatadhā sahasradhāyutadhā prayutadhā niyutadhārbudadhā nyarbudadhā nikharvadhā padmam akṣitir vyomāntaḥ

Sanskrit only: no published translation is held for this verse.

स एष एतस्य रश्मिर् अन्नम् भूत्वा सर्वास्व् आसु प्रजासु प्रत्यवस्थितः स यः कश् चाश्नात्य् एतस्यैव रश्मिनाश्नाति

sa eṣa etasya raśmir annam bhūtvā sarvāsv āsu prajāsu pratyavasthitaḥ sa yaḥ kaś cāśnāty etasyaiva raśmināśnāti

Sanskrit only: no published translation is held for this verse.

स एष सप्तरश्मिर् वृषभस् तुविष्मान् तद् एतद् ऋचाभ्यनूच्यते यः सप्तरश्मिर् वृषभस् तुविष्मान् अवासृजत् सर्तवे सप्त सिन्धून् यो रौहिणम् अस्फुरद् वज्रबाहुर् द्याम् आरोहन्तं स जनास इन्द्र इति

sa eṣa saptaraśmir vṛṣabhas tuviṣmān tad etad ṛcābhyanūcyate yaḥ saptaraśmir vṛṣabhas tuviṣmān avāsṛjat sartave sapta sindhūn yo rauhiṇam asphurad vajrabāhur dyām ārohantaṃ sa janāsa indra iti

Sanskrit only: no published translation is held for this verse.

यः सप्तरश्मिर् इति सप्त ह्य् एत आदित्यस्य रश्मयः वृषभ इति एष ह्य् एवासाम् प्रजानाम् ऋषभः तुविष्मान् इति महीयैवास्यैषा

yaḥ saptaraśmir iti sapta hy eta ādityasya raśmayaḥ vṛṣabha iti eṣa hy evāsām prajānām ṛṣabhaḥ tuviṣmān iti mahīyaivāsyaiṣā

Sanskrit only: no published translation is held for this verse.

अवासृजत् सर्तवे सप्त सिन्धून् इति सप्त ह्य् एते सिन्धवः तैर् इदं सर्वं सितम् तद् यद् एतैर् इदं सर्वं सितं तस्मात् सिन्धवः

avāsṛjat sartave sapta sindhūn iti sapta hy ete sindhavaḥ tair idaṃ sarvaṃ sitam tad yad etair idaṃ sarvaṃ sitaṃ tasmāt sindhavaḥ

Sanskrit only: no published translation is held for this verse.

यो रौहिणम् अस्फुरद् वज्रबाहुर् इति एष हि रौहिणम् अस्फुरद् वज्रबाहुः

yo rauhiṇam asphurad vajrabāhur iti eṣa hi rauhiṇam asphurad vajrabāhuḥ

Sanskrit only: no published translation is held for this verse.

द्याम् आरोहन्तं स जनास इन्द्र इति एष हीन्द्रः

dyām ārohantaṃ sa janāsa indra iti eṣa hīndraḥ

Sanskrit only: no published translation is held for this verse.