Jaiminīya Upaniṣad Brāhmaṇa (Sāmaveda) 1.3

ओवा ओवा ओवा हुम् भा ओवा इति करोत्य् एव एताभ्यां सर्वम् आयुर् एति

ovā ovā ovā hum bhā ovā iti karoty eva etābhyāṃ sarvam āyur eti

Sanskrit only: no published translation is held for this verse.

स यथा वृक्षम् आक्रमणैर् आक्रममाण इयाद् एवम् एवैते द्वे द्वे देवते संधायेमांल् लोकान् रोहन्न् एति

sa yathā vṛkṣam ākramaṇair ākramamāṇa iyād evam evaite dve dve devate saṃdhāyemāṃl lokān rohann eti

Sanskrit only: no published translation is held for this verse.

एक उ एव मृत्युर् अन्वेत्य् अशनयैव

eka u eva mṛtyur anvety aśanayaiva

Sanskrit only: no published translation is held for this verse.

अथ हिंकरोति चन्द्रमा वै हिङ्कारो ऽन्नम् उ वै चन्द्रमाः अन्नेनाशनयां घ्नन्ति

atha hiṃkaroti candramā vai hiṅkāro 'nnam u vai candramāḥ annenāśanayāṃ ghnanti

Sanskrit only: no published translation is held for this verse.

तां ताम् अशनयाम् अन्नेन हत्वोम् इत्य् एतम् एवादित्यं समयातिमुच्यते एतद् एव दिवश् छिद्रम्

tāṃ tām aśanayām annena hatvom ity etam evādityaṃ samayātimucyate etad eva divaś chidram

Sanskrit only: no published translation is held for this verse.

यथा खं वानसः स्याद् रथस्य वैवम् एतद् दिवश् छिद्रम् तद् रश्मिभिः संछन्नं दृश्यते

yathā khaṃ vānasaḥ syād rathasya vaivam etad divaś chidram tad raśmibhiḥ saṃchannaṃ dṛśyate

Sanskrit only: no published translation is held for this verse.

यद् गायत्रस्योर्ध्वं हिङ्कारात् तद् अमृतम् तद् आत्मानं दध्याद् अथो यजमानम् अथ यद् इतरत् सामोर्ध्वं तस्य प्रतिहारात्

yad gāyatrasyordhvaṃ hiṅkārāt tad amṛtam tad ātmānaṃ dadhyād atho yajamānam atha yad itarat sāmordhvaṃ tasya pratihārāt

Sanskrit only: no published translation is held for this verse.

स यथाद्भिर् आपः संसृज्येरन् यथाग्निनाग्निः संसृज्येत यथा क्षीरे क्षीरम् आसिच्याद् एवम् एवैतद् अक्षरम् एताभिर् देवताभिः संसृज्यते

sa yathādbhir āpaḥ saṃsṛjyeran yathāgnināgniḥ saṃsṛjyeta yathā kṣīre kṣīram āsicyād evam evaitad akṣaram etābhir devatābhiḥ saṃsṛjyate

Sanskrit only: no published translation is held for this verse.