Jaiminīya Upaniṣad Brāhmaṇa (Sāmaveda) 1.30

तद् यथा गिरिम् पन्थानः समुदियुर् इति ह स्माह शाट्यायनिर् एवम् एत आदित्यस्य रश्मय एतम् आदित्यं सर्वतो ऽपियन्ति स हैवं विद्वान् ओम् इत्य् आददान एतैर् एतस्य रश्मिभिर् एतम् आदित्यं सर्वतो ऽप्येति

tad yathā girim panthānaḥ samudiyur iti ha smāha śāṭyāyanir evam eta ādityasya raśmaya etam ādityaṃ sarvato 'piyanti sa haivaṃ vidvān om ity ādadāna etair etasya raśmibhir etam ādityaṃ sarvato 'pyeti

Sanskrit only: no published translation is held for this verse.

तद् एतत् सर्वतोद्वारम् अनिषेधं साम अन्यतोद्वारं हैनद् एक एवाभ्रंगम् उपासते अतो ऽन्यथा विद्युः

tad etat sarvatodvāram aniṣedhaṃ sāma anyatodvāraṃ hainad eka evābhraṃgam upāsate ato 'nyathā vidyuḥ

Sanskrit only: no published translation is held for this verse.

अथ य एतद् एवं वेद स एवैतत् सर्वतोद्वारम् अनिषेधं साम वेद

atha ya etad evaṃ veda sa evaitat sarvatodvāram aniṣedhaṃ sāma veda

Sanskrit only: no published translation is held for this verse.

सा एषा विद्युत् यद् एतन् मण्डलं समन्तम् परिपतति तत् साम अथ यत् परम् अतिभाति स पुण्यकृत्यायै रसः तम् अभ्यतिमुच्यते

sā eṣā vidyut yad etan maṇḍalaṃ samantam paripatati tat sāma atha yat param atibhāti sa puṇyakṛtyāyai rasaḥ tam abhyatimucyate

Sanskrit only: no published translation is held for this verse.

तद् एतद् अभ्रातृव्यं साम न ह वा इन्द्रः कंचन भ्रातृव्यम् पश्यते स यथेन्द्रो न कंचन भ्रातृव्यम् पश्यत एवम् एव न कंचन भ्रातृव्यम् पश्यते य एतद् एवं वेदाथो यस्यैवं विद्वान् उद्गायति

tad etad abhrātṛvyaṃ sāma na ha vā indraḥ kaṃcana bhrātṛvyam paśyate sa yathendro na kaṃcana bhrātṛvyam paśyata evam eva na kaṃcana bhrātṛvyam paśyate ya etad evaṃ vedātho yasyaivaṃ vidvān udgāyati

Sanskrit only: no published translation is held for this verse.