Jaiminīya Upaniṣad Brāhmaṇa (Sāmaveda) 1.31

अयम् एवेदम् अग्र आकाश आसीत् स उ एवाप्य् एतर्हि स यः स आकाश इन्द्र एव सः स यः स इन्द्रः सामैव तत्

ayam evedam agra ākāśa āsīt sa u evāpy etarhi sa yaḥ sa ākāśa indra eva saḥ sa yaḥ sa indraḥ sāmaiva tat

Sanskrit only: no published translation is held for this verse.

तस्यैतस्य साम्न इयम् एव प्राची दिग्घिङ्कार इयम् प्रस्ताव इयम् आदिर् इयम् उद्गीथो ऽसौ प्रतिहारो ऽन्तरिक्षम् उपद्रव इयम् एव निधनम्

tasyaitasya sāmna iyam eva prācī digghiṅkāra iyam prastāva iyam ādir iyam udgītho 'sau pratihāro 'ntarikṣam upadrava iyam eva nidhanam

Sanskrit only: no published translation is held for this verse.

तद् एतत् सप्तविधं साम स य एवम् एतत् सप्तविधं साम वेद यत् किं च प्राच्यां दिशि या देवता ये मनुष्या ये पशवो यद् अन्नाद्यं तत् सर्वं हिङ्कारेणाप्नोति

tad etat saptavidhaṃ sāma sa ya evam etat saptavidhaṃ sāma veda yat kiṃ ca prācyāṃ diśi yā devatā ye manuṣyā ye paśavo yad annādyaṃ tat sarvaṃ hiṅkāreṇāpnoti

Sanskrit only: no published translation is held for this verse.

अथ यद् दक्षिणायां दिशि तत् सर्वम् प्रस्तावेनाप्नोति

atha yad dakṣiṇāyāṃ diśi tat sarvam prastāvenāpnoti

Sanskrit only: no published translation is held for this verse.

अथ यत् प्रतीच्यां दिशि तत् सर्वम् आदिनाप्नोति

atha yat pratīcyāṃ diśi tat sarvam ādināpnoti

Sanskrit only: no published translation is held for this verse.

अथ यद् उदीच्यां दिशि तत् सर्वम् उद्गीथेनाप्नोति

atha yad udīcyāṃ diśi tat sarvam udgīthenāpnoti

Sanskrit only: no published translation is held for this verse.

अथ यद् अमुष्यां दिशि तत् सर्वम् प्रतिहारेणाप्नोति

atha yad amuṣyāṃ diśi tat sarvam pratihāreṇāpnoti

Sanskrit only: no published translation is held for this verse.

अथ यद् अन्तरिक्षे तत् सर्वम् उपद्रवेणाप्नोति

atha yad antarikṣe tat sarvam upadraveṇāpnoti

Sanskrit only: no published translation is held for this verse.

अथ यद् अस्यां दिशि या देवता ये मनुष्या ये पशवो यद् अन्नाद्यं तत् सर्वं निधनेनाप्नोति

atha yad asyāṃ diśi yā devatā ye manuṣyā ye paśavo yad annādyaṃ tat sarvaṃ nidhanenāpnoti

Sanskrit only: no published translation is held for this verse.

सर्वं हैवास्याप्तम् भवति सर्वं जितं न हास्य कश्चन कामो ऽनाप्तो भवति य एवं वेद

sarvaṃ haivāsyāptam bhavati sarvaṃ jitaṃ na hāsya kaścana kāmo 'nāpto bhavati ya evaṃ veda

Sanskrit only: no published translation is held for this verse.

स यद्ध किं च किं चैवं विद्वान् एषु लोकेषु कुरुते स्वस्य हैव तत् स्वतः कुरुते तद् एतद् ऋचाभ्यनूच्यते

sa yaddha kiṃ ca kiṃ caivaṃ vidvān eṣu lokeṣu kurute svasya haiva tat svataḥ kurute tad etad ṛcābhyanūcyate

Sanskrit only: no published translation is held for this verse.