Library·Jaiminīya Upaniṣad Brāhmaṇa (Sāmaveda)·1·1.32
यद् द्याव इन्द्र ते शतं शतम् भूमीर् उत स्युः न त्वा वज्रिन्त् सहस्रं सूर्या अनु न जातम् अष्ट रोदसी इति
yad dyāva indra te śataṃ śatam bhūmīr uta syuḥ na tvā vajrint sahasraṃ sūryā anu na jātam aṣṭa rodasī iti
Sanskrit only: no published translation is held for this verse.
यद् द्याव इन्द्र ते शतं शतम् भूमीर् उत स्युर् इति यच् छतं द्यावः स्युः शतम् भूम्यस् ताभ्य एष एवाकाशो ज्यायान्
yad dyāva indra te śataṃ śatam bhūmīr uta syur iti yac chataṃ dyāvaḥ syuḥ śatam bhūmyas tābhya eṣa evākāśo jyāyān
Sanskrit only: no published translation is held for this verse.
न त्वा वज्रिन्त् सहस्रं सूर्या अन्व् इति न ह्य् एतं सहस्रं चन सूर्या अनु
na tvā vajrint sahasraṃ sūryā anv iti na hy etaṃ sahasraṃ cana sūryā anu
Sanskrit only: no published translation is held for this verse.
न जातम् अष्ट रोदसी इति न ह्य् एतं जातं रोदन्ति इमे ह वाव रोदसी ताभ्याम् एष एवाकाशो ज्यायान् एतस्मिन् ह्य् एवैते अन्तः
na jātam aṣṭa rodasī iti na hy etaṃ jātaṃ rodanti ime ha vāva rodasī tābhyām eṣa evākāśo jyāyān etasmin hy evaite antaḥ
Sanskrit only: no published translation is held for this verse.
स यः स आकाश इन्द्र एव सः स यः स इन्द्र एष एव स य एष तपति
sa yaḥ sa ākāśa indra eva saḥ sa yaḥ sa indra eṣa eva sa ya eṣa tapati
Sanskrit only: no published translation is held for this verse.
स एषो ऽभ्राण्य् अतिमुच्यमान एति तद् यथैषो ऽभ्राण्य् अतिमुच्यमान एत्य् एवम् एव स सर्वस्मात् पाप्मनो ऽतिमुच्यमान एति य एवं वेदाथो यस्यैवं विद्वान् उद्गायति
sa eṣo 'bhrāṇy atimucyamāna eti tad yathaiṣo 'bhrāṇy atimucyamāna ety evam eva sa sarvasmāt pāpmano 'timucyamāna eti ya evaṃ vedātho yasyaivaṃ vidvān udgāyati
Sanskrit only: no published translation is held for this verse.