Jaiminīya Upaniṣad Brāhmaṇa (Sāmaveda) 1.34

अथाध्यात्मम् इदम् एव चक्षुस् त्रिवृच् चतुष्पाच् छुक्लं कृष्णम् पुरुषः शुक्लम् एव हिङ्कारः कृष्णम् प्रस्तावः पुरुष उद्गीथो या इमा आपो ऽन्तस् स एव चतुर्थः पादः

athādhyātmam idam eva cakṣus trivṛc catuṣpāc chuklaṃ kṛṣṇam puruṣaḥ śuklam eva hiṅkāraḥ kṛṣṇam prastāvaḥ puruṣa udgītho yā imā āpo 'ntas sa eva caturthaḥ pādaḥ

Sanskrit only: no published translation is held for this verse.

इदम् आदित्यस्यायनम् इदं चन्द्रमसः चत्वारीमानि चत्वारीमानि तान्य् अष्टौ अष्टाक्षरा गायत्री गायत्रं साम ब्रह्म उ गायत्री तद् उ ब्रह्माभिसंपद्यते अष्टाशफाः पशवस् तेनो पशव्यम्

idam ādityasyāyanam idaṃ candramasaḥ catvārīmāni catvārīmāni tāny aṣṭau aṣṭākṣarā gāyatrī gāyatraṃ sāma brahma u gāyatrī tad u brahmābhisaṃpadyate aṣṭāśaphāḥ paśavas teno paśavyam

Sanskrit only: no published translation is held for this verse.

स यो ऽयम् पवते स एष एव प्रजापतिः तद् व् एव साम तस्यायं देवो यो ऽयं चक्षुषि पुरुषः स एष आहुतिम् अतिमत्योत्क्रान्तः

sa yo 'yam pavate sa eṣa eva prajāpatiḥ tad v eva sāma tasyāyaṃ devo yo 'yaṃ cakṣuṣi puruṣaḥ sa eṣa āhutim atimatyotkrāntaḥ

Sanskrit only: no published translation is held for this verse.

अथ याव् एतौ चन्द्रमाश् चादित्यश् च याव् एताव् अप्सु दृश्येते एताव् एतयोर् देवौ

atha yāv etau candramāś cādityaś ca yāv etāv apsu dṛśyete etāv etayor devau

Sanskrit only: no published translation is held for this verse.

यद्ध वा इदम् आहुर् देवानां देवा इत्य् एते ह ते त एत आहुतिम् अतिमत्योत्क्रान्ताः

yaddha vā idam āhur devānāṃ devā ity ete ha te ta eta āhutim atimatyotkrāntāḥ

Sanskrit only: no published translation is held for this verse.

तद्ध पृथुर् वैन्यो दिव्यान् व्रात्यान् पप्रच्छ येभिर् वात इषितः प्रवाति ये ददन्ते पञ्च दिशः समीचीः य आहुतीर् अत्यमन्यन्त देवा अपां नेतारः कतमे त आसन्न् इति

taddha pṛthur vainyo divyān vrātyān papraccha yebhir vāta iṣitaḥ pravāti ye dadante pañca diśaḥ samīcīḥ ya āhutīr atyamanyanta devā apāṃ netāraḥ katame ta āsann iti

Sanskrit only: no published translation is held for this verse.

ते ह प्रत्यूचुर् इमाम् एषाम् पृथिवीं वस्त एको ऽन्तरिक्षम् पर्य् एको बभूव दिवम् एको ददते यो विधर्ता विश्वा आशाः प्रतिरक्षन्त्य् अन्य इति

te ha pratyūcur imām eṣām pṛthivīṃ vasta eko 'ntarikṣam pary eko babhūva divam eko dadate yo vidhartā viśvā āśāḥ pratirakṣanty anya iti

Sanskrit only: no published translation is held for this verse.

इमाम् एषाम् पृथिवीं वस्त एक इत्य् अग्निर् ह सः

imām eṣām pṛthivīṃ vasta eka ity agnir ha saḥ

Sanskrit only: no published translation is held for this verse.

अन्तरिक्षम् पर्य् एको बभूवेति वायुर् ह सः

antarikṣam pary eko babhūveti vāyur ha saḥ

Sanskrit only: no published translation is held for this verse.

दिवम् एको ददते यो विधर्तेत्य् आदित्यो ह सः

divam eko dadate yo vidhartety ādityo ha saḥ

Sanskrit only: no published translation is held for this verse.

विश्वा आशाः प्रतिरक्षन्त्य् अन्य इति एता ह वै देवता विश्वा आशाः प्रतिरक्षन्ति चन्द्रमा नक्षत्राणीति ता एताः सामैव सत्यो व्यूढो अन्नाद्याय

viśvā āśāḥ pratirakṣanty anya iti etā ha vai devatā viśvā āśāḥ pratirakṣanti candramā nakṣatrāṇīti tā etāḥ sāmaiva satyo vyūḍho annādyāya

Sanskrit only: no published translation is held for this verse.