Jaiminīya Upaniṣad Brāhmaṇa (Sāmaveda) 1.35

अथैतत् साम तद् आहुः संवत्सर एव सामेति

athaitat sāma tad āhuḥ saṃvatsara eva sāmeti

Sanskrit only: no published translation is held for this verse.

तस्य वसन्त एव हिङ्कारः तस्मात् पशवो वसन्ता हिङ्करिक्रतः समुदायन्ति

tasya vasanta eva hiṅkāraḥ tasmāt paśavo vasantā hiṅkarikrataḥ samudāyanti

Sanskrit only: no published translation is held for this verse.

ग्रीष्मः प्रस्तावः अनिरुक्तो वै प्रस्तावो ऽनिरुक्त ऋतूनां ग्रीष्मः

grīṣmaḥ prastāvaḥ anirukto vai prastāvo 'nirukta ṛtūnāṃ grīṣmaḥ

Sanskrit only: no published translation is held for this verse.

वर्षा उद्गीथः उद् इव वै वर्षं गायति

varṣā udgīthaḥ ud iva vai varṣaṃ gāyati

Sanskrit only: no published translation is held for this verse.

शरत् प्रतिहारः शरदि ह खलु वै भूयिष्ठा ओषधयः पच्यन्ते

śarat pratihāraḥ śaradi ha khalu vai bhūyiṣṭhā oṣadhayaḥ pacyante

Sanskrit only: no published translation is held for this verse.

हेमन्तो निधनम् निधनकृता इव वै हेमन् प्रजा भवन्ति

hemanto nidhanam nidhanakṛtā iva vai heman prajā bhavanti

Sanskrit only: no published translation is held for this verse.

ताव् एताव् अन्तौ संधत्तः एतद् अन्व् अनन्तः संवत्सरः तस्यैताव् अन्तौ यद्धेमन्तश् च वसन्तश् च एतद् अनु ग्रामस्यान्तौ समेतः एतद् अनु निष्कस्यान्तौ समेतः एतद् अन्व् अहिर् भोगान् पर्याहृत्य शये

tāv etāv antau saṃdhattaḥ etad anv anantaḥ saṃvatsaraḥ tasyaitāv antau yaddhemantaś ca vasantaś ca etad anu grāmasyāntau sametaḥ etad anu niṣkasyāntau sametaḥ etad anv ahir bhogān paryāhṛtya śaye

Sanskrit only: no published translation is held for this verse.

तद् यथा ह वै निष्कः समन्तं ग्रीवा अभिपर्यक्त एवम् अनन्तं साम स य एवम् एतद् अनन्तं साम वेदानन्तताम् एव जयति

tad yathā ha vai niṣkaḥ samantaṃ grīvā abhiparyakta evam anantaṃ sāma sa ya evam etad anantaṃ sāma vedānantatām eva jayati

Sanskrit only: no published translation is held for this verse.