Jaiminīya Upaniṣad Brāhmaṇa (Sāmaveda) 1.36

अथैतत् पर्जन्ये साम तस्य पुरोवात एव हिङ्कारः अथ यद् अभ्राणि संप्लावयति स प्रस्तावः अथ यत् स्तनयति स उद्गीथः अथ यद् विद्योतते स प्रतिहारः अथ यद् वर्षति तन् निधनम्

athaitat parjanye sāma tasya purovāta eva hiṅkāraḥ atha yad abhrāṇi saṃplāvayati sa prastāvaḥ atha yat stanayati sa udgīthaḥ atha yad vidyotate sa pratihāraḥ atha yad varṣati tan nidhanam

Sanskrit only: no published translation is held for this verse.

तद् एतत् पर्जन्ये साम स य एवम् एतत् पर्जन्ये साम वेद वर्षुको हास्मै पर्जन्यो भवति

tad etat parjanye sāma sa ya evam etat parjanye sāma veda varṣuko hāsmai parjanyo bhavati

Sanskrit only: no published translation is held for this verse.

अथैतत् पुरुषे साम तस्यायम् एव हिङ्कारो ऽयम् प्रस्तावो ऽयम् उद्गीथो ऽयम् प्रतिहार इदं निधनम्

athaitat puruṣe sāma tasyāyam eva hiṅkāro 'yam prastāvo 'yam udgītho 'yam pratihāra idaṃ nidhanam

Sanskrit only: no published translation is held for this verse.

तद् एतत् पुरुषे साम स य एवम् एतत् पुरुषे साम वेदोर्ध्व एव प्रजया पशुभिर् आरोहन्न् एति

tad etat puruṣe sāma sa ya evam etat puruṣe sāma vedordhva eva prajayā paśubhir ārohann eti

Sanskrit only: no published translation is held for this verse.

य उ एनत् प्रत्यग् वेद ये प्रत्यञ्चो लोकास् ताञ् जयति तस्यायम् एव हिङ्कारो ऽयम् प्रस्तावो ऽयम् उद्गीथो ऽयम् प्रतिहार इदं निधनम् ये प्रत्यञ्चो लोकास् ताञ् जयति

ya u enat pratyag veda ye pratyañco lokās tāñ jayati tasyāyam eva hiṅkāro 'yam prastāvo 'yam udgītho 'yam pratihāra idaṃ nidhanam ye pratyañco lokās tāñ jayati

Sanskrit only: no published translation is held for this verse.

य उ एनत् तिर्यग् वेद ये तिर्यञ्चो लोकास् ताञ् जयति तस्य लोमैव हिङ्कारस् त्वक् प्रस्तावो मांसम् उद्गीथो ऽस्थि प्रतिहारो मज्जा निधनम्

ya u enat tiryag veda ye tiryañco lokās tāñ jayati tasya lomaiva hiṅkāras tvak prastāvo māṃsam udgītho 'sthi pratihāro majjā nidhanam

Sanskrit only: no published translation is held for this verse.

तस्य त्रीण्य् आविर् गायति प्रस्तावम् प्रतिहारं निधनम् तस्मात् पुरुषस्य त्रीण्य् अस्थीन्य् आविर् दन्ताश् च द्वयाश् च नखाः ये तिर्यञ्चो लोकास् ताञ्जयति

tasya trīṇy āvir gāyati prastāvam pratihāraṃ nidhanam tasmāt puruṣasya trīṇy asthīny āvir dantāś ca dvayāś ca nakhāḥ ye tiryañco lokās tāñjayati

Sanskrit only: no published translation is held for this verse.

य उ एनत् सम्यग् वेद ये सम्यञ्चो लोकास् ताञ् जयति तस्य मन एव हिङ्कारो वाक् प्रस्तावः प्राण उद्गीथश् चक्षुः प्रतिहारः श्रोत्रं निधनम् ये सम्यञ्चो लोकास् ताञ् जयति

ya u enat samyag veda ye samyañco lokās tāñ jayati tasya mana eva hiṅkāro vāk prastāvaḥ prāṇa udgīthaś cakṣuḥ pratihāraḥ śrotraṃ nidhanam ye samyañco lokās tāñ jayati

Sanskrit only: no published translation is held for this verse.

अथैतद् देवतासु साम तस्य वायुर् एव हिङ्कारो ऽग्निः प्रस्ताव आदित्य उद्गीथश् चन्द्रमा प्रतिहारो दिश एव निधनम्

athaitad devatāsu sāma tasya vāyur eva hiṅkāro 'gniḥ prastāva āditya udgīthaś candramā pratihāro diśa eva nidhanam

Sanskrit only: no published translation is held for this verse.

तद् एतद् देवतासु साम स य एवम् एतद् देवतासु साम वेद देवतानाम् एव सलोकतां जयति

tad etad devatāsu sāma sa ya evam etad devatāsu sāma veda devatānām eva salokatāṃ jayati

Sanskrit only: no published translation is held for this verse.