Jaiminīya Upaniṣad Brāhmaṇa (Sāmaveda) 1.37

तस्यैतास् तिस्र आगा आग्नेय्य् एकैन्द्र्य् एका वैश्वदेव्य् एका

tasyaitās tisra āgā āgneyy ekaindry ekā vaiśvadevy ekā

Sanskrit only: no published translation is held for this verse.

सा या मन्द्रा साग्नेयी तया प्रातस्सवनस्योद्गेयम् आग्नेयं वै प्रातस्सवनम् आग्नेयो ऽयं लोकः स्वयागया प्रातस्सवनस्योद्गायत्य् ऋध्नोतीमं लोकम्

sā yā mandrā sāgneyī tayā prātassavanasyodgeyam āgneyaṃ vai prātassavanam āgneyo 'yaṃ lokaḥ svayāgayā prātassavanasyodgāyaty ṛdhnotīmaṃ lokam

Sanskrit only: no published translation is held for this verse.

अथ या घोषिण्य् उपब्दिमती सैन्द्री तया माध्यन्दिनस्य सवनस्योद्गेयम् ऐन्द्रं वै माध्यन्दिनं सवनम् ऐन्द्रो ऽसौ लोकः स्वयागया माध्यन्दिनस्य सवनस्योद्गायत्य् ऋध्नोत्य् अमुं लोकम्

atha yā ghoṣiṇy upabdimatī saindrī tayā mādhyandinasya savanasyodgeyam aindraṃ vai mādhyandinaṃ savanam aindro 'sau lokaḥ svayāgayā mādhyandinasya savanasyodgāyaty ṛdhnoty amuṃ lokam

Sanskrit only: no published translation is held for this verse.

अथ यां वीङ्खयन्न् इव प्रथयन्न् इव गायति सा वैश्वदेवी तया तृतीयसवनस्योद्गेयम् वैश्वदेवं वै तृतीयसवनं वैश्वदेवो ऽयम् अन्तरालोकः स्वयागया तृतीयसवनस्योद्गायत्य् ऋध्नोतीमम् अन्तरालोकम्

atha yāṃ vīṅkhayann iva prathayann iva gāyati sā vaiśvadevī tayā tṛtīyasavanasyodgeyam vaiśvadevaṃ vai tṛtīyasavanaṃ vaiśvadevo 'yam antarālokaḥ svayāgayā tṛtīyasavanasyodgāyaty ṛdhnotīmam antarālokam

Sanskrit only: no published translation is held for this verse.

अथो उच्चा खल्व् आहुर् एकयैवागयोद्गेयं यद् एवास्य मध्यं वाच इति तद् यया वै वाचा व्यायच्छमान उद्गायति तद् एवास्य मध्यं वाचः तया वा एतया वाचा सर्वा वाच उपगच्छति अव्यासिक्ताम् एकस्थां श्रियम् ऋध्नोति य एवं वेद

atho uccā khalv āhur ekayaivāgayodgeyaṃ yad evāsya madhyaṃ vāca iti tad yayā vai vācā vyāyacchamāna udgāyati tad evāsya madhyaṃ vācaḥ tayā vā etayā vācā sarvā vāca upagacchati avyāsiktām ekasthāṃ śriyam ṛdhnoti ya evaṃ veda

Sanskrit only: no published translation is held for this verse.

अथ या क्रौञ्चा सा बार्हस्पत्या स यो ब्रह्मवर्चसकामः स्यात् स तयोद्गायेत् तद् ब्रह्म वै बृहस्पतिः तद् वै ब्रह्मवर्चसम् ऋध्नोति तथा ह ब्रह्मवर्चसी भवति

atha yā krauñcā sā bārhaspatyā sa yo brahmavarcasakāmaḥ syāt sa tayodgāyet tad brahma vai bṛhaspatiḥ tad vai brahmavarcasam ṛdhnoti tathā ha brahmavarcasī bhavati

Sanskrit only: no published translation is held for this verse.

अथ ह चैकितानेय एकस्यैव साम्न आगां गायति गायत्रस्यैव तद् अनवानं गेयम् तत् साम्न एवा प्रतिहाराद् अनवानं गेयम् तत् प्राणो वै गायत्रम् तद् वै प्राणम् ऋध्नोति तथा ह सर्वम् आयुर् एति

atha ha caikitāneya ekasyaiva sāmna āgāṃ gāyati gāyatrasyaiva tad anavānaṃ geyam tat sāmna evā pratihārād anavānaṃ geyam tat prāṇo vai gāyatram tad vai prāṇam ṛdhnoti tathā ha sarvam āyur eti

Sanskrit only: no published translation is held for this verse.