Jaiminīya Upaniṣad Brāhmaṇa (Sāmaveda) 1.39

अथ ह सत्याधिवाकश् चैत्ररथिः सत्ययज्ञम् पौलुषितम् उवाच प्राचीनयोगेति मम चेद् वै त्वं साम विद्वान् साम्नार्त्विज्यं करिष्यसि नैव तर्हि पुनर् दीक्षाम् अभिध्यातासीति मुहुर्दीक्षी ह्य् आस

atha ha satyādhivākaś caitrarathiḥ satyayajñam pauluṣitam uvāca prācīnayogeti mama ced vai tvaṃ sāma vidvān sāmnārtvijyaṃ kariṣyasi naiva tarhi punar dīkṣām abhidhyātāsīti muhurdīkṣī hy āsa

Sanskrit only: no published translation is held for this verse.

स होवाच यो वै साम्नः श्रियं विद्वान् साम्नार्त्विज्यं करोति श्रीमान् एव भवति मनो वाव साम्नः श्रीर् इति

sa hovāca yo vai sāmnaḥ śriyaṃ vidvān sāmnārtvijyaṃ karoti śrīmān eva bhavati mano vāva sāmnaḥ śrīr iti

Sanskrit only: no published translation is held for this verse.

यो वै साम्नः प्रतिष्ठां विद्वान् साम्नार्त्विज्यं करोति प्रत्य् एव तिष्ठति वाग् वाव साम्नः प्रतिष्ठेति

yo vai sāmnaḥ pratiṣṭhāṃ vidvān sāmnārtvijyaṃ karoti praty eva tiṣṭhati vāg vāva sāmnaḥ pratiṣṭheti

Sanskrit only: no published translation is held for this verse.

यो वै साम्नः सुवर्णं विद्वान् साम्नार्त्विज्यं करोत्य् अध्य् अस्य गृहे सुवर्णं गम्यते प्राणो वाव साम्नः सुवर्णम् इति

yo vai sāmnaḥ suvarṇaṃ vidvān sāmnārtvijyaṃ karoty adhy asya gṛhe suvarṇaṃ gamyate prāṇo vāva sāmnaḥ suvarṇam iti

Sanskrit only: no published translation is held for this verse.

यो वै साम्नो ऽपचितिं विद्वान् साम्नार्त्विज्यं करोत्य् अपचितिमान् एव भवति चक्षुर् वाव साम्नो ऽपचितिर् इति

yo vai sāmno 'pacitiṃ vidvān sāmnārtvijyaṃ karoty apacitimān eva bhavati cakṣur vāva sāmno 'pacitir iti

Sanskrit only: no published translation is held for this verse.

यो वै साम्नः श्रुतिं विद्वान् साम्नार्त्विज्यं करोति श्रुतिमान् एव भवति श्रोत्रं वाव साम्नः श्रुतिर् इति

yo vai sāmnaḥ śrutiṃ vidvān sāmnārtvijyaṃ karoti śrutimān eva bhavati śrotraṃ vāva sāmnaḥ śrutir iti

Sanskrit only: no published translation is held for this verse.