Jaiminīya Upaniṣad Brāhmaṇa (Sāmaveda) 1.4

तं वा एतं हिङ्कारं हिम् भा इति हिंकुर्वन्ति श्रीर् वै भाः असौ वा आदित्यो भा इति

taṃ vā etaṃ hiṅkāraṃ him bhā iti hiṃkurvanti śrīr vai bhāḥ asau vā ādityo bhā iti

Sanskrit only: no published translation is held for this verse.

एतं ह वा एतं न्यङ्गम् अनु गर्भ इति यद् भ इति स्त्रीणाम् प्रजननं निगच्छति तस्मात् ततो ब्राह्मण ऋषिकल्पो जायते ऽतिव्याधी राजन्यः शूरः

etaṃ ha vā etaṃ nyaṅgam anu garbha iti yad bha iti strīṇām prajananaṃ nigacchati tasmāt tato brāhmaṇa ṛṣikalpo jāyate 'tivyādhī rājanyaḥ śūraḥ

Sanskrit only: no published translation is held for this verse.

एतं ह वा एतं न्यङ्गम् अनु वृषभ इति यद् भ इति निगच्छति तस्मात् ततः पुण्यो बलीवर्दो दुहाना धेनुर् उक्षा दशवाजी जायन्ते

etaṃ ha vā etaṃ nyaṅgam anu vṛṣabha iti yad bha iti nigacchati tasmāt tataḥ puṇyo balīvardo duhānā dhenur ukṣā daśavājī jāyante

Sanskrit only: no published translation is held for this verse.

एतं ह वा एतं न्यङ्गम् अनु गर्दभ इति यद् भ इति निगच्छति तस्मात् स पापीयाञ्छ्रेयसीषु चरति तस्माद् अस्य पापीयसः श्रेयो जायते ऽश्वतरो वाश्वतरी वा

etaṃ ha vā etaṃ nyaṅgam anu gardabha iti yad bha iti nigacchati tasmāt sa pāpīyāñchreyasīṣu carati tasmād asya pāpīyasaḥ śreyo jāyate 'śvataro vāśvatarī vā

Sanskrit only: no published translation is held for this verse.

एतं ह वा एतं न्यङ्गम् अनु कुभ्र इति यद् भ इति निगच्छति तस्मात् सो ऽनार्यः सन्न् अपि राज्ञः प्राप्नोति

etaṃ ha vā etaṃ nyaṅgam anu kubhra iti yad bha iti nigacchati tasmāt so 'nāryaḥ sann api rājñaḥ prāpnoti

Sanskrit only: no published translation is held for this verse.

तं हैतम् एके हिङ्कारं हिम् भा ओवा इति बहिर्धेव हिंकुर्वन्ति बहिर्धेव वै श्रीः श्रीर् वै साम्नो हिङ्कार इति

taṃ haitam eke hiṅkāraṃ him bhā ovā iti bahirdheva hiṃkurvanti bahirdheva vai śrīḥ śrīr vai sāmno hiṅkāra iti

Sanskrit only: no published translation is held for this verse.

स य एनं तत्र ब्रूयाद् बहिर्धा न्वा अयं श्रियम् अधित पापीयान् भविष्यति स यदा वै म्रियते ऽथाग्नौ प्रास्तो भवति क्षिप्रे बत मरिष्यत्य् अग्नाव् एनम् प्रासिष्यन्तीति तथा हैव स्यात्

sa ya enaṃ tatra brūyād bahirdhā nvā ayaṃ śriyam adhita pāpīyān bhaviṣyati sa yadā vai mriyate 'thāgnau prāsto bhavati kṣipre bata mariṣyaty agnāv enam prāsiṣyantīti tathā haiva syāt

Sanskrit only: no published translation is held for this verse.

तस्माद् उ हैतं हिङ्कारं हिं वो इत्य् अन्तर् इवैवात्मन्न् अर्जयेत् तथा ह न बहिर्धा श्रियं कुरुते सर्वम् आयुर् एति

tasmād u haitaṃ hiṅkāraṃ hiṃ vo ity antar ivaivātmann arjayet tathā ha na bahirdhā śriyaṃ kurute sarvam āyur eti

Sanskrit only: no published translation is held for this verse.