Jaiminīya Upaniṣad Brāhmaṇa (Sāmaveda) 1.44

रूपं रूपम् प्रतिरूपो बभूव तद् अस्य रूपम् प्रतिचक्षणाय इन्द्रो मायाभिः पुरुरूप ईयते युक्ता ह्य् अस्य हरयः शता दशेति

rūpaṃ rūpam pratirūpo babhūva tad asya rūpam praticakṣaṇāya indro māyābhiḥ pururūpa īyate yuktā hy asya harayaḥ śatā daśeti

Sanskrit only: no published translation is held for this verse.

रूपं रूपम् प्रतिरूपो बभूवेति रूपं रूपं ह्य् एष प्रतिरूपो बभूव

rūpaṃ rūpam pratirūpo babhūveti rūpaṃ rūpaṃ hy eṣa pratirūpo babhūva

Sanskrit only: no published translation is held for this verse.

तद् अस्य रूपम् प्रतिचक्षणायेति प्रतिचक्षणाय हास्यैतद् रूपम्

tad asya rūpam praticakṣaṇāyeti praticakṣaṇāya hāsyaitad rūpam

Sanskrit only: no published translation is held for this verse.

इन्द्रो मायाभिः पुरुरूप ईयत इति मायाभिर् ह्य् एष एतत् पुरुरूप ईयते

indro māyābhiḥ pururūpa īyata iti māyābhir hy eṣa etat pururūpa īyate

Sanskrit only: no published translation is held for this verse.

युक्ता ह्य् अस्य हरयः शता दशेति सहस्रं हैत आदित्यस्य रश्मयः ते ऽस्य युक्तास् तैर् इदं सर्वं हरति तद् यद् एतैर् इदं सर्वं हरति तस्माद्धरयः

yuktā hy asya harayaḥ śatā daśeti sahasraṃ haita ādityasya raśmayaḥ te 'sya yuktās tair idaṃ sarvaṃ harati tad yad etair idaṃ sarvaṃ harati tasmāddharayaḥ

Sanskrit only: no published translation is held for this verse.

रूपं रूपम् मघवा बोभवीति मायाः कृण्वानः परि तन्वं स्वाम् त्रिर् यद् दिवः परि मुहूर्तम् आगात् स्वैर् मन्त्रैर् अनृतुपा ऋतावेति

rūpaṃ rūpam maghavā bobhavīti māyāḥ kṛṇvānaḥ pari tanvaṃ svām trir yad divaḥ pari muhūrtam āgāt svair mantrair anṛtupā ṛtāveti

Sanskrit only: no published translation is held for this verse.

रूपं रूपम् मघवा बोभवीतीति रूपं रूपं ह्य् एष मघवा बोभवीति

rūpaṃ rūpam maghavā bobhavītīti rūpaṃ rūpaṃ hy eṣa maghavā bobhavīti

Sanskrit only: no published translation is held for this verse.

मायाः कृण्वानः परि तन्वं स्वाम् इति मायाभिर् ह्य् एष एतत् स्वां तनुं गोपायति

māyāḥ kṛṇvānaḥ pari tanvaṃ svām iti māyābhir hy eṣa etat svāṃ tanuṃ gopāyati

Sanskrit only: no published translation is held for this verse.

त्रिर् यद् दिवः परि मुहूर्तम् आगाद् इति त्रिर् ह वा एष एतस्य मुहूर्तस्येमाम् पृथिवीं समन्तः पर्येतीमाः प्रजाः संचक्षाणः

trir yad divaḥ pari muhūrtam āgād iti trir ha vā eṣa etasya muhūrtasyemām pṛthivīṃ samantaḥ paryetīmāḥ prajāḥ saṃcakṣāṇaḥ

Sanskrit only: no published translation is held for this verse.

स्वैर् मन्त्रैर् अनृतुपा ऋतावेति अनृतुपा ह्य् एष एतद् ऋतावा

svair mantrair anṛtupā ṛtāveti anṛtupā hy eṣa etad ṛtāvā

Sanskrit only: no published translation is held for this verse.