Jaiminīya Upaniṣad Brāhmaṇa (Sāmaveda) 1.45

तद्ध पृथुर् वैन्यो दिव्यान् व्रात्यान् पप्रच्छेन्द्रम् उक्थम् ऋचम् उद्गीथम् आहुर् ब्रह्म साम प्राणं व्यानम् मनो वा चक्षुर् अपानम् आहुः श्रोत्रं श्रोत्रिया बहुधा वदन्तीति

taddha pṛthur vainyo divyān vrātyān papracchendram uktham ṛcam udgītham āhur brahma sāma prāṇaṃ vyānam mano vā cakṣur apānam āhuḥ śrotraṃ śrotriyā bahudhā vadantīti

Sanskrit only: no published translation is held for this verse.

ते प्रत्यूचुर् ऋषय एते मन्त्रकृतः पुराजाः पुनर् आजायन्ते वेदानां गुप्त्यै कम् ते वै विद्वांसो वैन्य तद् वदन्ति समानम् पुरुषम् बहुधा निविष्टम् इति

te pratyūcur ṛṣaya ete mantrakṛtaḥ purājāḥ punar ājāyante vedānāṃ guptyai kam te vai vidvāṃso vainya tad vadanti samānam puruṣam bahudhā niviṣṭam iti

Sanskrit only: no published translation is held for this verse.

इमां ह वा तद् देवतां त्रय्यां विद्यायाम् इमां समानाम् अभ्य् एक आपयन्ति नैके यो ह वावैतद् एवं वेद स एवैतां देवतां सम्प्रति वेद

imāṃ ha vā tad devatāṃ trayyāṃ vidyāyām imāṃ samānām abhy eka āpayanti naike yo ha vāvaitad evaṃ veda sa evaitāṃ devatāṃ samprati veda

Sanskrit only: no published translation is held for this verse.

स एष इन्द्र उद्गीथः स यदैष इन्द्र उद्गीथ आगच्छति नैवोद्गातुश् चोपगातॄणां च विज्ञायते इत एवोर्ध्वः स्वर् उदेति स उपरि मूर्ध्नो लेलायति

sa eṣa indra udgīthaḥ sa yadaiṣa indra udgītha āgacchati naivodgātuś copagātṝṇāṃ ca vijñāyate ita evordhvaḥ svar udeti sa upari mūrdhno lelāyati

Sanskrit only: no published translation is held for this verse.

स विद्याद् आगमद् इन्द्रो नेह कश्चन पाप्मा न्यङ्गः परिशेक्ष्यत इति तस्मिन् ह न कश्चन पाप्मा न्यङ्गः परिशिष्यते

sa vidyād āgamad indro neha kaścana pāpmā nyaṅgaḥ pariśekṣyata iti tasmin ha na kaścana pāpmā nyaṅgaḥ pariśiṣyate

Sanskrit only: no published translation is held for this verse.

तद् एतद् अभ्रातृव्यं साम न ह वा इन्द्रः कंचन भ्रातृव्यम् पश्यते स यथेन्द्रो न कंचन भ्रातृव्यम् पश्यत एवम् एव न कंचन भ्रातृव्यम् पश्यते य एतद् एवं वेदाथो यस्यैवं विद्वान् उद्गायति

tad etad abhrātṛvyaṃ sāma na ha vā indraḥ kaṃcana bhrātṛvyam paśyate sa yathendro na kaṃcana bhrātṛvyam paśyata evam eva na kaṃcana bhrātṛvyam paśyate ya etad evaṃ vedātho yasyaivaṃ vidvān udgāyati

Sanskrit only: no published translation is held for this verse.