Jaiminīya Upaniṣad Brāhmaṇa (Sāmaveda) 1.48

तत आदित्यम् असृजत तद् अस्यादित्यो ऽनूपतिष्ठते

tata ādityam asṛjata tad asyādityo 'nūpatiṣṭhate

Sanskrit only: no published translation is held for this verse.

अग्रम् मूर्धास्य सः ततो दिवम् असृजत तद् अस्य द्यौर् अनूपतिष्ठते

agram mūrdhāsya saḥ tato divam asṛjata tad asya dyaur anūpatiṣṭhate

Sanskrit only: no published translation is held for this verse.

सजाता अङ्गान्य् अस्य तानि अङ्गैर् हि सह जायते ततो वनस्पतीन् असृजत तद् अस्य वनस्पतयो ऽनूपतिष्ठन्ते

sajātā aṅgāny asya tāni aṅgair hi saha jāyate tato vanaspatīn asṛjata tad asya vanaspatayo 'nūpatiṣṭhante

Sanskrit only: no published translation is held for this verse.

पयो लोमान्य् अस्य तानि तत ओषधीर् असृजत तद् अस्यौषधयो ऽनूपतिष्ठन्ते

payo lomāny asya tāni tata oṣadhīr asṛjata tad asyauṣadhayo 'nūpatiṣṭhante

Sanskrit only: no published translation is held for this verse.

महीया मांसान्य् अस्य तानि मांसैर् हि सह महीयते ततो वयांस्य् असृजत तद् अस्य वयांस्य् अनूपतिष्ठन्ते तस्मात् तानि प्रपतिष्णूनि प्रपतिष्णूनीव महामांसानि

mahīyā māṃsāny asya tāni māṃsair hi saha mahīyate tato vayāṃsy asṛjata tad asya vayāṃsy anūpatiṣṭhante tasmāt tāni prapatiṣṇūni prapatiṣṇūnīva mahāmāṃsāni

Sanskrit only: no published translation is held for this verse.

रसो मज्जास्य सः ततः पृथिवीम् असृजत तद् अस्य पृथिव्य् अनूपतिष्ठते

raso majjāsya saḥ tataḥ pṛthivīm asṛjata tad asya pṛthivy anūpatiṣṭhate

Sanskrit only: no published translation is held for this verse.

स हैवं षोडशधात्मानं विकृत्य सार्धं समैत् तद् यत् सार्धं समैतत् तत् साम्नः सामत्वम्

sa haivaṃ ṣoḍaśadhātmānaṃ vikṛtya sārdhaṃ samait tad yat sārdhaṃ samaitat tat sāmnaḥ sāmatvam

Sanskrit only: no published translation is held for this verse.

स एवैष हिरण्मयः पुरुष उदतिष्ठत् प्रजानां जनिता

sa evaiṣa hiraṇmayaḥ puruṣa udatiṣṭhat prajānāṃ janitā

Sanskrit only: no published translation is held for this verse.