Jaiminīya Upaniṣad Brāhmaṇa (Sāmaveda) 1.5

सा हैषा खला देवतापसेधन्ती तिष्ठति इदं वै त्वम् अत्र पापम् अकर् नेहैष्यसि यो वै पुण्यकृत् स्यात् स इहेयाद् इति

sā haiṣā khalā devatāpasedhantī tiṣṭhati idaṃ vai tvam atra pāpam akar nehaiṣyasi yo vai puṇyakṛt syāt sa iheyād iti

Sanskrit only: no published translation is held for this verse.

स ब्रूयाद् अपश्यो वै त्वं तद् यद् अहं तद् अकरवं तद् वै मा त्वं नाकारयिष्यस् त्वं वै तस्य कर्तासीति

sa brūyād apaśyo vai tvaṃ tad yad ahaṃ tad akaravaṃ tad vai mā tvaṃ nākārayiṣyas tvaṃ vai tasya kartāsīti

Sanskrit only: no published translation is held for this verse.

सा ह वेद सत्यम् माहेति सत्यं हैषा देवता सा ह तस्य नेशे यद् एनम् अपसेधेत् सत्यम् उपैव ह्वयते

sā ha veda satyam māheti satyaṃ haiṣā devatā sā ha tasya neśe yad enam apasedhet satyam upaiva hvayate

Sanskrit only: no published translation is held for this verse.

अथ होवाचैक्ष्वाको वा वार्ष्णो ऽनुवक्ता वा सात्यकीर्त उतैषा खला देवतापसेद्धुम् एव ध्रियते ऽस्यै दिशः

atha hovācaikṣvāko vā vārṣṇo 'nuvaktā vā sātyakīrta utaiṣā khalā devatāpaseddhum eva dhriyate 'syai diśaḥ

Sanskrit only: no published translation is held for this verse.

तद् दिवो ऽन्तः तद् इमे द्यावापृथिवी संश्लिष्यतः यावती वै वेदिस् तावतीयम् पृथिवी तद् यत्रैतच्चात्वालं खातं तत् सम्प्रति स दिव आकाशः

tad divo 'ntaḥ tad ime dyāvāpṛthivī saṃśliṣyataḥ yāvatī vai vedis tāvatīyam pṛthivī tad yatraitaccātvālaṃ khātaṃ tat samprati sa diva ākāśaḥ

Sanskrit only: no published translation is held for this verse.

तद् बहिष्पवमाने स्तूयमाने मनसोद्गृह्णीयात्

tad bahiṣpavamāne stūyamāne manasodgṛhṇīyāt

Sanskrit only: no published translation is held for this verse.

स यथोच्छ्रायम् प्रतियस्य प्रपद्येतैवम् एवैतया देवतयेदम् अमृतम् अभिपर्येति यत्रायम् इदं तपतीति

sa yathocchrāyam pratiyasya prapadyetaivam evaitayā devatayedam amṛtam abhiparyeti yatrāyam idaṃ tapatīti

Sanskrit only: no published translation is held for this verse.

अथ होवाच

atha hovāca

Sanskrit only: no published translation is held for this verse.