Jaiminīya Upaniṣad Brāhmaṇa (Sāmaveda) 1.54

सा मधुनापुनीत तस्माद् उत ब्रह्मचारी मधु नाश्नीयाद् वेदस्य पलाव इति कामं ह त्व् आचार्यदत्तम् अश्नीयात्

sā madhunāpunīta tasmād uta brahmacārī madhu nāśnīyād vedasya palāva iti kāmaṃ ha tv ācāryadattam aśnīyāt

Sanskrit only: no published translation is held for this verse.

अथर्क् सामाब्रवीद् बहु वै किं च किं च पुमांश् चरति त्वम् अनुपुनीष्वेति स भरण्डकेष्णेनापुनीत पूतानि ह वा अस्य सामानि पूता ऋचः पूतानि यजूंषि पूतम् अनूक्तम् पूतं सर्वम् भवति य एवं वेद

athark sāmābravīd bahu vai kiṃ ca kiṃ ca pumāṃś carati tvam anupunīṣveti sa bharaṇḍakeṣṇenāpunīta pūtāni ha vā asya sāmāni pūtā ṛcaḥ pūtāni yajūṃṣi pūtam anūktam pūtaṃ sarvam bhavati ya evaṃ veda

Sanskrit only: no published translation is held for this verse.

ताभ्यां सदो मिथुनाय पर्यश्रयन् तस्माद् उपवसथीयां रात्रिं सदसि न शयीत अत्र ह्य् एताव् ऋक्सामे उपवसथीयां रात्रिं सदसि सम्भवतः स यथा श्रेयस उपद्रष्टैवं हि शश्वद् ईश्वरो ऽनुलब्धः पराभवितोः

tābhyāṃ sado mithunāya paryaśrayan tasmād upavasathīyāṃ rātriṃ sadasi na śayīta atra hy etāv ṛksāme upavasathīyāṃ rātriṃ sadasi sambhavataḥ sa yathā śreyasa upadraṣṭaivaṃ hi śaśvad īśvaro 'nulabdhaḥ parābhavitoḥ

Sanskrit only: no published translation is held for this verse.

अथो आहुर् उद्गातुर् मुखे सम्भवतः उद्गातुर् एव मुखं नेक्षेतेति

atho āhur udgātur mukhe sambhavataḥ udgātur eva mukhaṃ nekṣeteti

Sanskrit only: no published translation is held for this verse.

तद् उ वा आहुः कामम् एवोद्गातुर् मुखम् ईक्षेत उपवसथीयाम् एवैतां रात्रिं सदसि न शयीत अत्र ह्य् एवैताव् ऋक्सामे उपवसथीयां रात्रिं सदसि सम्भवत इति

tad u vā āhuḥ kāmam evodgātur mukham īkṣeta upavasathīyām evaitāṃ rātriṃ sadasi na śayīta atra hy evaitāv ṛksāme upavasathīyāṃ rātriṃ sadasi sambhavata iti

Sanskrit only: no published translation is held for this verse.

तां सम्भविष्यन्न् आहामो ऽहम् अस्मि सा त्वं सा त्वम् अस्य् अमो ऽहम् सा माम् अनुव्रता भूत्वा प्रजाः प्रजनयावहै एहि संभवावहा इति

tāṃ sambhaviṣyann āhāmo 'ham asmi sā tvaṃ sā tvam asy amo 'ham sā mām anuvratā bhūtvā prajāḥ prajanayāvahai ehi saṃbhavāvahā iti

Sanskrit only: no published translation is held for this verse.

तां सम्भवन्न् अत्यरिच्यत सो ऽब्रवीन् न वै त्वानुभवामि विराड् भूत्वा प्रजनयावेति तथेति

tāṃ sambhavann atyaricyata so 'bravīn na vai tvānubhavāmi virāḍ bhūtvā prajanayāveti tatheti

Sanskrit only: no published translation is held for this verse.

तौ विराड् भूत्वा प्राजनयताम् हिङ्कारश् चाहावश् च प्रस्तावश् च प्रथमा चोद्गीथश् च मध्यमा च प्रतिहारश् चोत्तमा च निधनं च वषट्कारश् चैवं विराड् भूत्वा प्राजनयताम् ते अमुम् अजनयतां यो ऽसौ तपति ते व्यद्रवताम्

tau virāḍ bhūtvā prājanayatām hiṅkāraś cāhāvaś ca prastāvaś ca prathamā codgīthaś ca madhyamā ca pratihāraś cottamā ca nidhanaṃ ca vaṣaṭkāraś caivaṃ virāḍ bhūtvā prājanayatām te amum ajanayatāṃ yo 'sau tapati te vyadravatām

Sanskrit only: no published translation is held for this verse.