Jaiminīya Upaniṣad Brāhmaṇa (Sāmaveda) 1.56

आपो वा इदम् अग्रे महत् सलिलम् आसीत् स ऊर्मिर् ऊर्मिम् अस्कन्दत् ततो हिरण्मयौ कुक्ष्यौ समभवतां ते एवर्क्सामे

āpo vā idam agre mahat salilam āsīt sa ūrmir ūrmim askandat tato hiraṇmayau kukṣyau samabhavatāṃ te evarksāme

Sanskrit only: no published translation is held for this verse.

सेयम् ऋग् इदं सामाभ्यप्लवत ताम् अपृच्छत् का त्वम् असीति साहम् अस्मीत्य् अब्रवीत् अथ वा अहम् अमो ऽस्मीति तद् यत् सा चामश् च तत् साम्नः सामत्वम्

seyam ṛg idaṃ sāmābhyaplavata tām apṛcchat kā tvam asīti sāham asmīty abravīt atha vā aham amo 'smīti tad yat sā cāmaś ca tat sāmnaḥ sāmatvam

Sanskrit only: no published translation is held for this verse.

तौ वै संभवावेति नेत्य् अब्रवीत् स्वसा वै मम त्वम् असि अन्यत्र मिथुनम् इच्छस्वेति

tau vai saṃbhavāveti nety abravīt svasā vai mama tvam asi anyatra mithunam icchasveti

Sanskrit only: no published translation is held for this verse.

सा पराप्लवत मिथुनम् इच्छमाना सा समाः सहस्रं सप्ततीः पर्यप्लवत

sā parāplavata mithunam icchamānā sā samāḥ sahasraṃ saptatīḥ paryaplavata

Sanskrit only: no published translation is held for this verse.

तद् एष श्लोकः स्त्री स्मैवाग्रे संचरतीच्छन्ती सलिले पतिम् समाः सहस्रं सप्ततीस् ततो ऽजायत पश्यत इति

tad eṣa ślokaḥ strī smaivāgre saṃcaratīcchantī salile patim samāḥ sahasraṃ saptatīs tato 'jāyata paśyata iti

Sanskrit only: no published translation is held for this verse.

असौ वा आदित्यः पश्यतः एष एव तद् अजायत एतेन हि पश्यति

asau vā ādityaḥ paśyataḥ eṣa eva tad ajāyata etena hi paśyati

Sanskrit only: no published translation is held for this verse.

सावित्त्वा न्यप्लवत साब्रवीन् न वै तं विन्दामि येन सम्भवेयम् त्वयैव संभवानीति

sāvittvā nyaplavata sābravīn na vai taṃ vindāmi yena sambhaveyam tvayaiva saṃbhavānīti

Sanskrit only: no published translation is held for this verse.

सा वै द्वितीयाम् इच्छस्वेत्य् अब्रवीन् न वै मैकोद्यंस्यसीति सा द्वितीयां वित्त्वा न्यप्लवत

sā vai dvitīyām icchasvety abravīn na vai maikodyaṃsyasīti sā dvitīyāṃ vittvā nyaplavata

Sanskrit only: no published translation is held for this verse.

तृतीयाम् इच्छस्वैवेत्य् अब्रवीन् नो वाव मा द्वे उद्यंस्यथ इति सा तृतीयां वित्त्वा न्यप्लवत सो ऽब्रवीद् अत्र वै मोद्यंस्यथेति

tṛtīyām icchasvaivety abravīn no vāva mā dve udyaṃsyatha iti sā tṛtīyāṃ vittvā nyaplavata so 'bravīd atra vai modyaṃsyatheti

Sanskrit only: no published translation is held for this verse.

स यद् एकयाग्रे समवदत तस्माद् एकर्चे साम अथ यद् द्वे अपासेधत् तस्माद् द्वयोर् न कुर्वन्ति अथ यत् तिसृभिः समपादयत् तस्माद् उ तृचे साम

sa yad ekayāgre samavadata tasmād ekarce sāma atha yad dve apāsedhat tasmād dvayor na kurvanti atha yat tisṛbhiḥ samapādayat tasmād u tṛce sāma

Sanskrit only: no published translation is held for this verse.

ता अब्रवीत् पुनीध्वं न पूता वै स्थेति

tā abravīt punīdhvaṃ na pūtā vai stheti

Sanskrit only: no published translation is held for this verse.