Jaiminīya Upaniṣad Brāhmaṇa (Sāmaveda) 1.57

सा गायत्री गाथयापुनीत नाराशंस्या त्रिष्टुब् रैभ्या जगती भीमम् बत मलम् अपावधिषतेति तस्माद् भीमला धियो वा एताः धियो वा इमा मलम् अपावधिषतेति तस्माद् उ भीमलाः तस्माद् उ गायतां नाश्नीयात् मलेन ह्य् एते जीवन्ति

sā gāyatrī gāthayāpunīta nārāśaṃsyā triṣṭub raibhyā jagatī bhīmam bata malam apāvadhiṣateti tasmād bhīmalā dhiyo vā etāḥ dhiyo vā imā malam apāvadhiṣateti tasmād u bhīmalāḥ tasmād u gāyatāṃ nāśnīyāt malena hy ete jīvanti

Sanskrit only: no published translation is held for this verse.

अथर्क् सामाब्रवीद् बहु वै किं च किं च पुमांश् चरति त्वम् अनुपुनीष्वेति स ऊर्ध्वगणेनापुनीत

athark sāmābravīd bahu vai kiṃ ca kiṃ ca pumāṃś carati tvam anupunīṣveti sa ūrdhvagaṇenāpunīta

Sanskrit only: no published translation is held for this verse.

पूतानि ह वा अस्य सामानि पूता ऋचः पूतानि यजूंषि पूतम् अनूक्तम् पूतं सर्वम् भवति य एवं वेद

pūtāni ha vā asya sāmāni pūtā ṛcaḥ pūtāni yajūṃṣi pūtam anūktam pūtaṃ sarvam bhavati ya evaṃ veda

Sanskrit only: no published translation is held for this verse.

ताभ्यां दिशो मिथुनाय पर्यौहन् तां सम्भविष्यन्न् अह्वयतामो ऽहम् अस्मि सा त्वं सा त्वम् अस्य् अमो ऽहम् इति

tābhyāṃ diśo mithunāya paryauhan tāṃ sambhaviṣyann ahvayatāmo 'ham asmi sā tvaṃ sā tvam asy amo 'ham iti

Sanskrit only: no published translation is held for this verse.

ताम् एतद् उभयतो वाचात्यरिच्यत हिङ्कारेण पुरस्तात् स्तोभेन मध्यतो निधनेनोपरिष्टात् अति तिस्रो ब्राह्मणायनीः सदृशी रिच्यते य एवं वेद

tām etad ubhayato vācātyaricyata hiṅkāreṇa purastāt stobhena madhyato nidhanenopariṣṭāt ati tisro brāhmaṇāyanīḥ sadṛśī ricyate ya evaṃ veda

Sanskrit only: no published translation is held for this verse.

तयोर् यः सम्भवतोर् ऊर्ध्वः शूषो ऽद्रवत् प्राणास् ते ते प्राणा एवोर्ध्वा अद्रवन्

tayor yaḥ sambhavator ūrdhvaḥ śūṣo 'dravat prāṇās te te prāṇā evordhvā adravan

Sanskrit only: no published translation is held for this verse.

सो ऽसाव् आदित्यः स एष एव उद् अग्निर् एव गी चन्द्रमा एव थम् सामान्य् एव उद् ऋच एव गी यजूंष्य् एव थम् इत्य् अधिदेवतम्

so 'sāv ādityaḥ sa eṣa eva ud agnir eva gī candramā eva tham sāmāny eva ud ṛca eva gī yajūṃṣy eva tham ity adhidevatam

Sanskrit only: no published translation is held for this verse.

अथाध्यात्मम् प्राण एव उद् वाग् एव गी मन एव थम् स एषो ऽधिदेवतं चाध्यात्मं चोद्गीथः

athādhyātmam prāṇa eva ud vāg eva gī mana eva tham sa eṣo 'dhidevataṃ cādhyātmaṃ codgīthaḥ

Sanskrit only: no published translation is held for this verse.

स य एवम् एतद् अधिदेवतं चाध्यात्मं चोद्गीथं वेदैतेन हास्य सर्वेणोद्गीतम् भवत्य् एतस्माद् उ एव सर्वस्माद् आवृश्च्यते य एवं विद्वांसम् उपवदति

sa ya evam etad adhidevataṃ cādhyātmaṃ codgīthaṃ vedaitena hāsya sarveṇodgītam bhavaty etasmād u eva sarvasmād āvṛścyate ya evaṃ vidvāṃsam upavadati

Sanskrit only: no published translation is held for this verse.