Jaiminīya Upaniṣad Brāhmaṇa (Sāmaveda) 1.58

तद् यद् इदम् आहुः क उदगासीर् इति क एतम् आदित्यम् अगासीर् इति ह वा एतत् पृच्छन्ति

tad yad idam āhuḥ ka udagāsīr iti ka etam ādityam agāsīr iti ha vā etat pṛcchanti

Sanskrit only: no published translation is held for this verse.

एतं ह वा एतं त्रय्या विद्यया गायन्ति यथा वीणागाथिनो गापयेयुर् एवम्

etaṃ ha vā etaṃ trayyā vidyayā gāyanti yathā vīṇāgāthino gāpayeyur evam

Sanskrit only: no published translation is held for this verse.

स एष ह्रदः कामानाम् पूर्णो यन् मनः तस्यैषा कुल्या यद् वाक्

sa eṣa hradaḥ kāmānām pūrṇo yan manaḥ tasyaiṣā kulyā yad vāk

Sanskrit only: no published translation is held for this verse.

तद् यथा वा अपो ह्रदात् कुल्ययोपराम् उपनयन्त्य् एवम् एवैतन् मनसो ऽधि वाचोद्गाता यजमानम् यस्य कामान् प्रयच्छति

tad yathā vā apo hradāt kulyayoparām upanayanty evam evaitan manaso 'dhi vācodgātā yajamānam yasya kāmān prayacchati

Sanskrit only: no published translation is held for this verse.

स य उद्गातारं दक्षिणाभिर् आराधयति तं सा कुल्योपधावति य उ एनं नाराधयति स उ ताम् अपिहन्ति

sa ya udgātāraṃ dakṣiṇābhir ārādhayati taṃ sā kulyopadhāvati ya u enaṃ nārādhayati sa u tām apihanti

Sanskrit only: no published translation is held for this verse.

अथ वा अतः प्रत्तिश् चैव प्रतिग्रहश् च तद् धूमम् इति वै प्रदीयते तद् वाचा यजमानाय प्रदेयम् मनसात्मने तथा ह सर्वं न प्रयच्छति

atha vā ataḥ prattiś caiva pratigrahaś ca tad dhūmam iti vai pradīyate tad vācā yajamānāya pradeyam manasātmane tathā ha sarvaṃ na prayacchati

Sanskrit only: no published translation is held for this verse.

तद् यद् इदं सम्भवतो रेतो ऽसिच्यत तद् अशयत् यथा हिरण्यम् अविकृतं लेलायद् एवम्

tad yad idaṃ sambhavato reto 'sicyata tad aśayat yathā hiraṇyam avikṛtaṃ lelāyad evam

Sanskrit only: no published translation is held for this verse.

तस्य सर्वे देवा ममत्विन आसन् मम ममेति ते ऽब्रुवन् वीदं करवामहा इति ते ऽब्रुवञ्छ्रेयो वा इदम् अस्मत् आत्मभिर् एवैनद् विकरवामहा इति

tasya sarve devā mamatvina āsan mama mameti te 'bruvan vīdaṃ karavāmahā iti te 'bruvañchreyo vā idam asmat ātmabhir evainad vikaravāmahā iti

Sanskrit only: no published translation is held for this verse.

तद् आत्मभिर् एव व्यकुर्वत तेषां वायुर् एव हिङ्कार आसाग्निः प्रस्ताव इन्द्र आदिः सोमबृहस्पती उद्गीथो ऽश्विनौ प्रतिहारो विश्वे देवा उपद्रवः प्रजापतिर् एव निधनम्

tad ātmabhir eva vyakurvata teṣāṃ vāyur eva hiṅkāra āsāgniḥ prastāva indra ādiḥ somabṛhaspatī udgītho 'śvinau pratihāro viśve devā upadravaḥ prajāpatir eva nidhanam

Sanskrit only: no published translation is held for this verse.

एता वै सर्वा देवता एता हिरण्यम् अस्य सर्वाभिर् देवताभिः स्तुतम् भवति य एवं वेद एताभ्य उ एव स सर्वाभ्यो देवताभ्य आवृश्च्यते य एवं विद्वांसम् उपवदति

etā vai sarvā devatā etā hiraṇyam asya sarvābhir devatābhiḥ stutam bhavati ya evaṃ veda etābhya u eva sa sarvābhyo devatābhya āvṛścyate ya evaṃ vidvāṃsam upavadati

Sanskrit only: no published translation is held for this verse.