Jaiminīya Upaniṣad Brāhmaṇa (Sāmaveda) 1.59

अथ ह ब्रह्मदत्तश् चैकितानेयः कुरुं जगामाभिप्रतारिणं काक्षसेनिम् स हास्मै मधुपर्कं ययाच

atha ha brahmadattaś caikitāneyaḥ kuruṃ jagāmābhipratāriṇaṃ kākṣasenim sa hāsmai madhuparkaṃ yayāca

Sanskrit only: no published translation is held for this verse.

अथ हास्य वै प्रपद्य पुरोहितो ऽन्ते निषसाद शौनकः तं हानामन्त्र्य मधुपर्कम् पपौ

atha hāsya vai prapadya purohito 'nte niṣasāda śaunakaḥ taṃ hānāmantrya madhuparkam papau

Sanskrit only: no published translation is held for this verse.

तं होवाच किं विद्वान् नो दाल्भ्यानामन्त्र्य मधुपर्कम् पिबसीति सामवैर्यम् प्रपद्येति होवाच

taṃ hovāca kiṃ vidvān no dālbhyānāmantrya madhuparkam pibasīti sāmavairyam prapadyeti hovāca

Sanskrit only: no published translation is held for this verse.

तं ह तत्रैव पप्रच्छ यद् वायौ तद् वेत्था३ इति हिङ्कारो वा अस्य स इति

taṃ ha tatraiva papraccha yad vāyau tad vetthā3 iti hiṅkāro vā asya sa iti

Sanskrit only: no published translation is held for this verse.

यद् अग्नौ तद् वेत्था३ इति प्रस्तावो वा अस्य स इति

yad agnau tad vetthā3 iti prastāvo vā asya sa iti

Sanskrit only: no published translation is held for this verse.

यद् इन्द्रे तद् वेत्था३ इति आदिर् वा अस्य स इति

yad indre tad vetthā3 iti ādir vā asya sa iti

Sanskrit only: no published translation is held for this verse.

यत् सोमबृहस्पत्योस् तद् वेत्था३ इति उद्गीथो वा अस्य स इति

yat somabṛhaspatyos tad vetthā3 iti udgītho vā asya sa iti

Sanskrit only: no published translation is held for this verse.

यद् अश्विनोस् तद् वेत्था३ इति प्रतिहारो वा अस्य स इति

yad aśvinos tad vetthā3 iti pratihāro vā asya sa iti

Sanskrit only: no published translation is held for this verse.

यद् विश्वेषु देवेषु तद् वेत्था३ इति उपद्रवो वा अस्य स इति

yad viśveṣu deveṣu tad vetthā3 iti upadravo vā asya sa iti

Sanskrit only: no published translation is held for this verse.

यत् प्रजापतौ तद् वेत्था३ इति निधनं वा अस्य तद् इति होवाच आर्षेयं वा अस्य तद् बन्धुता वा अस्य सेति

yat prajāpatau tad vetthā3 iti nidhanaṃ vā asya tad iti hovāca ārṣeyaṃ vā asya tad bandhutā vā asya seti

Sanskrit only: no published translation is held for this verse.

स होवाच नमस् ते ऽस्तु भगवो विद्वान् अपा मधुपर्कम् इति

sa hovāca namas te 'stu bhagavo vidvān apā madhuparkam iti

Sanskrit only: no published translation is held for this verse.

अथ हेतरः पप्रच्छ किंदेवत्यं सामवैर्यम् प्रपद्येति यद्देवत्यासु स्तुवत इति होवाच तद्देवत्यम् इति

atha hetaraḥ papraccha kiṃdevatyaṃ sāmavairyam prapadyeti yaddevatyāsu stuvata iti hovāca taddevatyam iti

Sanskrit only: no published translation is held for this verse.

तद् एतत् साध्व् एव प्रत्युक्तम् व्याप्तिर् वा अस्यैषेति होवाच ब्रूह्य् एवेति मेदं ते नमो ऽकर्मेति होवाच मैव नो ऽतिप्राक्षीर् इति

tad etat sādhv eva pratyuktam vyāptir vā asyaiṣeti hovāca brūhy eveti medaṃ te namo 'karmeti hovāca maiva no 'tiprākṣīr iti

Sanskrit only: no published translation is held for this verse.

स होवाचाप्रक्ष्यं वाव त्वा देवताम् अप्रक्ष्यं वाव त्वा देवतायै देवताः वाग्देवत्यं साम वाचो मनो देवता मनसः पशवः पशूनाम् ओषधय ओषधीनाम् आपः तद् एतद् अद्भ्यो जातं सामाप्सु प्रतिष्ठितम् इति

sa hovācāprakṣyaṃ vāva tvā devatām aprakṣyaṃ vāva tvā devatāyai devatāḥ vāgdevatyaṃ sāma vāco mano devatā manasaḥ paśavaḥ paśūnām oṣadhaya oṣadhīnām āpaḥ tad etad adbhyo jātaṃ sāmāpsu pratiṣṭhitam iti

Sanskrit only: no published translation is held for this verse.