Library·Jaiminīya Upaniṣad Brāhmaṇa (Sāmaveda)·1·1.60
देवासुरा अस्पर्धन्त ते देवा मनसोदगायन् तद् एषाम् असुरा अभिद्रुत्य पाप्मना समसृजन् तस्माद् बहु किं च किं च मनसा ध्यायति पुण्यं चैनेन ध्यायति पापं च
devāsurā aspardhanta te devā manasodagāyan tad eṣām asurā abhidrutya pāpmanā samasṛjan tasmād bahu kiṃ ca kiṃ ca manasā dhyāyati puṇyaṃ cainena dhyāyati pāpaṃ ca
Sanskrit only: no published translation is held for this verse.
ते वाचोदगायन् तां तथैवाकुर्वन् तस्माद् बहु किं च किं च वाचा वदति सत्यं चैनया वदत्य् अनृतं च
te vācodagāyan tāṃ tathaivākurvan tasmād bahu kiṃ ca kiṃ ca vācā vadati satyaṃ cainayā vadaty anṛtaṃ ca
Sanskrit only: no published translation is held for this verse.
ते चक्षुषोदगायन् तत् तथैवाकुर्वन् तस्माद् बहु किं च किं च चक्षुषा पश्यति दर्शनीयं चैनेन पश्यत्य् अदर्शनीयं च
te cakṣuṣodagāyan tat tathaivākurvan tasmād bahu kiṃ ca kiṃ ca cakṣuṣā paśyati darśanīyaṃ cainena paśyaty adarśanīyaṃ ca
Sanskrit only: no published translation is held for this verse.
ते श्रोत्रेणोदगायन् तत् तथैवाकुर्वन् तस्माद् बहु किं च किं च श्रोत्रेण शृणोति श्रवणीयं चैनेन शृणोत्य् अश्रवणीयं च
te śrotreṇodagāyan tat tathaivākurvan tasmād bahu kiṃ ca kiṃ ca śrotreṇa śṛṇoti śravaṇīyaṃ cainena śṛṇoty aśravaṇīyaṃ ca
Sanskrit only: no published translation is held for this verse.
ते ऽपानेनोदगायन् तं तथैवाकुर्वन् तस्माद् बहु किं च किं चापानेन जिघ्रति सुरभि चैनेन जिघ्रति दुर्गन्धि च
te 'pānenodagāyan taṃ tathaivākurvan tasmād bahu kiṃ ca kiṃ cāpānena jighrati surabhi cainena jighrati durgandhi ca
Sanskrit only: no published translation is held for this verse.
ते प्राणेनोदगायन् अथासुरा आद्रवंस् तथा करिष्याम इति मन्यमानाः
te prāṇenodagāyan athāsurā ādravaṃs tathā kariṣyāma iti manyamānāḥ
Sanskrit only: no published translation is held for this verse.
स यथाश्मानम् ऋत्वा लोष्टो विध्वंसेतैवम् एवासुरा व्यध्वंसन्त स एषो ऽश्माखणं यत् प्राणः
sa yathāśmānam ṛtvā loṣṭo vidhvaṃsetaivam evāsurā vyadhvaṃsanta sa eṣo 'śmākhaṇaṃ yat prāṇaḥ
Sanskrit only: no published translation is held for this verse.
स यथाश्मानम् आखणम् ऋत्वा लोष्टो विध्वंसत एवम् एव स विध्वंसते य एवं विद्वांसम् उपवदति
sa yathāśmānam ākhaṇam ṛtvā loṣṭo vidhvaṃsata evam eva sa vidhvaṃsate ya evaṃ vidvāṃsam upavadati
Sanskrit only: no published translation is held for this verse.