Jaiminīya Upaniṣad Brāhmaṇa (Sāmaveda) 3.10

तं वाव भगवस् ते पितोद्गातारम् अमन्यतेति होवाच तद् उ ह प्राचीनशाला विदुर् य एषाम् अयं वृत उद्गातास तस्मिन् ह नानुविदुः

taṃ vāva bhagavas te pitodgātāram amanyateti hovāca tad u ha prācīnaśālā vidur ya eṣām ayaṃ vṛta udgātāsa tasmin ha nānuviduḥ

Sanskrit only: no published translation is held for this verse.

ते होचुर् अनुधावत काण्ड्वियम् इति तं हानुसस्रुः ते ह काण्ड्वियम् उद्गातारं चक्रिरे ब्रह्माणम् प्राचीनशालिम्

te hocur anudhāvata kāṇḍviyam iti taṃ hānusasruḥ te ha kāṇḍviyam udgātāraṃ cakrire brahmāṇam prācīnaśālim

Sanskrit only: no published translation is held for this verse.

तं हाभ्यवेक्ष्योवाचैवम् एष ब्राह्मणो मोघाय वादाय नाग्लायत् स नाणु साम्नो ऽन्विच्छतीति अति हैवैनं तच् चक्रे

taṃ hābhyavekṣyovācaivam eṣa brāhmaṇo moghāya vādāya nāglāyat sa nāṇu sāmno 'nvicchatīti ati haivainaṃ tac cakre

Sanskrit only: no published translation is held for this verse.

स यद्ध वा एनम् एतत् पिता योन्यां रेतो भूतं सिञ्चत्य् आदित्यो हैनं तद् योन्यां रेतो भूतं सिञ्चति स हास्य तत्र मृत्योर् ईशे

sa yaddha vā enam etat pitā yonyāṃ reto bhūtaṃ siñcaty ādityo hainaṃ tad yonyāṃ reto bhūtaṃ siñcati sa hāsya tatra mṛtyor īśe

Sanskrit only: no published translation is held for this verse.

अथो यद् एवैनम् एतत् पिता योन्यां रेतो भूतं सिञ्चति तद्ध वाव स ततो ऽनुसंभवति प्राणं च यदा ह्य् एव रेतः सिक्तम् प्राण आविशत्य् अथ तत् सम्भवति

atho yad evainam etat pitā yonyāṃ reto bhūtaṃ siñcati taddha vāva sa tato 'nusaṃbhavati prāṇaṃ ca yadā hy eva retaḥ siktam prāṇa āviśaty atha tat sambhavati

Sanskrit only: no published translation is held for this verse.

अथो यद् एवैनम् एतद् दीक्षयन्त्य् अग्निर् हैवैनं तद् योन्यां रेतो भूतं सिञ्चति स हैवास्य तत्र मृत्योर् ईशे

atho yad evainam etad dīkṣayanty agnir haivainaṃ tad yonyāṃ reto bhūtaṃ siñcati sa haivāsya tatra mṛtyor īśe

Sanskrit only: no published translation is held for this verse.

अथो याम् एवैतां वैसर्जनीयाम् आहुतिम् अध्वर्युर् जुहोति ताम् एव स ततो ऽनुसंभवति छन्दांसि चैव

atho yām evaitāṃ vaisarjanīyām āhutim adhvaryur juhoti tām eva sa tato 'nusaṃbhavati chandāṃsi caiva

Sanskrit only: no published translation is held for this verse.

अथ य एनम् एतद् अस्माल्लोकात् प्रेतं चित्याम् आदधति चन्द्रमा हैवैनं तद् योन्यां रेतो भूतं सिञ्चति स उ हैवास्य तत्र मृत्योर् ईशे

atha ya enam etad asmāllokāt pretaṃ cityām ādadhati candramā haivainaṃ tad yonyāṃ reto bhūtaṃ siñcati sa u haivāsya tatra mṛtyor īśe

Sanskrit only: no published translation is held for this verse.

अथो यद् एवैनम् एतद् अस्माल्लोकात् प्रेतं चित्याम् आदधत्य् अथो या एवैता अवोक्षणीया आपस् ता एव स ततो ऽनुसंभवति प्राणम् व् एव प्राणो ह्य् आपः

atho yad evainam etad asmāllokāt pretaṃ cityām ādadhaty atho yā evaitā avokṣaṇīyā āpas tā eva sa tato 'nusaṃbhavati prāṇam v eva prāṇo hy āpaḥ

Sanskrit only: no published translation is held for this verse.

तं ह वा एवंविद् उद्गाता यजमानम् ओम् इत्य् एतेनाक्षरेणादित्यम् मृत्युम् अतिवहति वाग् इत्य् अग्निं हुम् इति वायुम् भा इति चन्द्रमसम्

taṃ ha vā evaṃvid udgātā yajamānam om ity etenākṣareṇādityam mṛtyum ativahati vāg ity agniṃ hum iti vāyum bhā iti candramasam

Sanskrit only: no published translation is held for this verse.

तान् वा एतान् मृत्यून् साम्नोद्गातात्मानं च यजमानं चातिवहत्य् ओम् इत्य् एतेनाक्षरेण प्राणेनामुनादित्येन

tān vā etān mṛtyūn sāmnodgātātmānaṃ ca yajamānaṃ cātivahaty om ity etenākṣareṇa prāṇenāmunādityena

Sanskrit only: no published translation is held for this verse.

तस्यैष श्लोक उतैषां ज्येष्ठ उत वा कनिष्ठ उतैषाम् पुत्र उत वा पितैषाम् एको ह देवो मनसि प्रविष्टः पूर्वो ह जज्ञे स उ गर्भे ऽन्तर् इति

tasyaiṣa śloka utaiṣāṃ jyeṣṭha uta vā kaniṣṭha utaiṣām putra uta vā pitaiṣām eko ha devo manasi praviṣṭaḥ pūrvo ha jajñe sa u garbhe 'ntar iti

Sanskrit only: no published translation is held for this verse.

तद् यद् एषो ऽभ्युक्त इमम् एव पुरुषं यो ऽयम् आच्छन्नो ऽन्तर् ओम् इत्य् एतेनैवाक्षरेण प्राणेनैवामुनैवादित्येन

tad yad eṣo 'bhyukta imam eva puruṣaṃ yo 'yam ācchanno 'ntar om ity etenaivākṣareṇa prāṇenaivāmunaivādityena

Sanskrit only: no published translation is held for this verse.