Jaiminīya Upaniṣad Brāhmaṇa (Sāmaveda) 3.11

त्रिर् ह वै पुरुषो म्रियते त्रिर् जायते

trir ha vai puruṣo mriyate trir jāyate

Sanskrit only: no published translation is held for this verse.

स हैतद् एव प्रथमम् म्रियते यद् रेतः सिक्तं सम्भूतम् भवति स प्राणम् एवाभिसंभवति आशाम् अभिजायते

sa haitad eva prathamam mriyate yad retaḥ siktaṃ sambhūtam bhavati sa prāṇam evābhisaṃbhavati āśām abhijāyate

Sanskrit only: no published translation is held for this verse.

अथैतद् द्वितीयम् म्रियते यद् दीक्षते स छन्दांस्य् एवाभिसंभवति दक्षिणाम् अभिजायते

athaitad dvitīyam mriyate yad dīkṣate sa chandāṃsy evābhisaṃbhavati dakṣiṇām abhijāyate

Sanskrit only: no published translation is held for this verse.

अथैतत् तृतीयम् म्रियते यन् म्रियते स श्रद्धाम् एवाभिसंभवति लोकम् अभिजायते

athaitat tṛtīyam mriyate yan mriyate sa śraddhām evābhisaṃbhavati lokam abhijāyate

Sanskrit only: no published translation is held for this verse.

तद् एतत् त्र्यावृद् गायत्रं गायति तस्य प्रथमयावृतेमम् एव लोकं जयति यद् उ चास्मिंल्लोके तद् एतेन चैनम् प्राणेन समर्धयति यम् अभिसंभवत्य् एतां चास्मा आशाम् प्रयच्छति याम् अभिजायते

tad etat tryāvṛd gāyatraṃ gāyati tasya prathamayāvṛtemam eva lokaṃ jayati yad u cāsmiṃlloke tad etena cainam prāṇena samardhayati yam abhisaṃbhavaty etāṃ cāsmā āśām prayacchati yām abhijāyate

Sanskrit only: no published translation is held for this verse.

अथ द्वितीययावृतेदम् एवान्तरिक्षं जयति यद् उ चान्तरिक्षे तद् एतैश् चैनं छन्दोभिः समर्धयति यान्यभिसंभवति एतां चास्मै दक्षिणाम् प्रयच्छति याम् अभिजायते

atha dvitīyayāvṛtedam evāntarikṣaṃ jayati yad u cāntarikṣe tad etaiś cainaṃ chandobhiḥ samardhayati yānyabhisaṃbhavati etāṃ cāsmai dakṣiṇām prayacchati yām abhijāyate

Sanskrit only: no published translation is held for this verse.

अथ तृतीययावृतामुम् एव लोकम् जयति यद् उ चामुष्मिंल्लोके तद् एतया चैनं श्रद्धया समर्धयति ययैवैनम् एतच्छ्रद्धयाग्नावभ्यादधति सम् अयम् इतो भविष्यतीति एतं चास्मै लोकम् प्रयच्छति यम् अभिजायते

atha tṛtīyayāvṛtāmum eva lokam jayati yad u cāmuṣmiṃlloke tad etayā cainaṃ śraddhayā samardhayati yayaivainam etacchraddhayāgnāvabhyādadhati sam ayam ito bhaviṣyatīti etaṃ cāsmai lokam prayacchati yam abhijāyate

Sanskrit only: no published translation is held for this verse.