Jaiminīya Upaniṣad Brāhmaṇa (Sāmaveda) 3.13

हुम् भा इति ब्रह्मवर्चसकामस्य भातीव हि ब्रह्मवर्चसम्

hum bhā iti brahmavarcasakāmasya bhātīva hi brahmavarcasam

Sanskrit only: no published translation is held for this verse.

हुम् बो इति पशुकामस्य बो इति ह पशवो वाश्यन्ते

hum bo iti paśukāmasya bo iti ha paśavo vāśyante

Sanskrit only: no published translation is held for this verse.

हुम् बग् इति श्रीकामस्य बग् इति ह श्रियम् पणायन्ति

hum bag iti śrīkāmasya bag iti ha śriyam paṇāyanti

Sanskrit only: no published translation is held for this verse.

हुम् भा ओवा इत्य् एतद् एवोपगीतम्

hum bhā ovā ity etad evopagītam

Sanskrit only: no published translation is held for this verse.

महद् इवाभिपरिवर्तयन् गायेद् इति ह स्माह नाको महाग्रामो महानिवेशो भवतीति स यथा स्थाणुम् अर्पयित्वेतरेण वेतरेण वा परियायात् तादृक् तत्

mahad ivābhiparivartayan gāyed iti ha smāha nāko mahāgrāmo mahāniveśo bhavatīti sa yathā sthāṇum arpayitvetareṇa vetareṇa vā pariyāyāt tādṛk tat

Sanskrit only: no published translation is held for this verse.

तद् उ होवाच शाट्यायनिः कस्मै कामाय स्थाणुम् अर्पयेत् अथोपगीतम् एवैतत् नैवैतद् आद्रियेतेति

tad u hovāca śāṭyāyaniḥ kasmai kāmāya sthāṇum arpayet athopagītam evaitat naivaitad ādriyeteti

Sanskrit only: no published translation is held for this verse.

इति नु हिङ्कारानां अथ वा अतो निधनम् एव ओवा इति द्वे अक्षरे अन्तो वै साम्नो निधनम् अन्तः स्वर्गो लोकानाम् अन्तो ब्रध्नस्य विष्टपम्

iti nu hiṅkārānāṃ atha vā ato nidhanam eva ovā iti dve akṣare anto vai sāmno nidhanam antaḥ svargo lokānām anto bradhnasya viṣṭapam

Sanskrit only: no published translation is held for this verse.

तम् एतद् उद्गाता यजमानम् ओम् इत्य् एतेनाक्षरेणान्ते स्वर्गे लोके दधाति

tam etad udgātā yajamānam om ity etenākṣareṇānte svarge loke dadhāti

Sanskrit only: no published translation is held for this verse.

य उ ह वा अपक्षो वृक्षाग्रं गच्छत्य् अव वै स ततः पद्यते अथ यद् वै पक्षी वृक्षाग्रे यद् असिधारायां यत् क्षुरधारायाम् आस्ते न वै स ततो ऽवपद्यते पक्षाभ्यां हि संयत आस्ते

ya u ha vā apakṣo vṛkṣāgraṃ gacchaty ava vai sa tataḥ padyate atha yad vai pakṣī vṛkṣāgre yad asidhārāyāṃ yat kṣuradhārāyām āste na vai sa tato 'vapadyate pakṣābhyāṃ hi saṃyata āste

Sanskrit only: no published translation is held for this verse.

तम् एतद् उद्गाता यजमानम् ओम् इत्य् एतेनाक्षरेण स्वरपक्षं कृत्वान्ते स्वर्गे लोके दधाति स यथा पक्ष्य् अबिभ्यद् आसीतैवम् एव स्वर्गे लोके ऽबिभ्यद् आस्ते ऽथाचरति

tam etad udgātā yajamānam om ity etenākṣareṇa svarapakṣaṃ kṛtvānte svarge loke dadhāti sa yathā pakṣy abibhyad āsītaivam eva svarge loke 'bibhyad āste 'thācarati

Sanskrit only: no published translation is held for this verse.

ते ह वा एते अक्षरे देवलोकश् चैव मनुष्यलोकश् च आदित्यश् च ह वा एते अक्षरे चन्द्रमाश् च

te ha vā ete akṣare devalokaś caiva manuṣyalokaś ca ādityaś ca ha vā ete akṣare candramāś ca

Sanskrit only: no published translation is held for this verse.

आदित्य एव देवलोकश् चन्द्रमा मनुष्यलोकः ओम् इत्य् आदित्यो वाग् इति चन्द्रमाः

āditya eva devalokaś candramā manuṣyalokaḥ om ity ādityo vāg iti candramāḥ

Sanskrit only: no published translation is held for this verse.

तम् एतद् उद्गाता यजमानम् ओम् इत्य् एतेनाक्षरेणादित्यं देवलोकं गमयति

tam etad udgātā yajamānam om ity etenākṣareṇādityaṃ devalokaṃ gamayati

Sanskrit only: no published translation is held for this verse.