Jaiminīya Upaniṣad Brāhmaṇa (Sāmaveda) 3.14

तं हागतम् पृच्छति कस्त्वम् असीति स यो ह नाम्ना वा गोत्रेण वा प्रब्रूते तं हाह यस् ते ऽयम् मय्य् आत्माभूद् एष ते स इति

taṃ hāgatam pṛcchati kastvam asīti sa yo ha nāmnā vā gotreṇa vā prabrūte taṃ hāha yas te 'yam mayy ātmābhūd eṣa te sa iti

Sanskrit only: no published translation is held for this verse.

तस्मिन् हात्मन् प्रतिपत् तम् ऋतवः सम्पदार्यपद् गृहीतम् अपकर्षन्ति तस्य हाहोरात्रे लोकम् आप्नुतः

tasmin hātman pratipat tam ṛtavaḥ sampadāryapad gṛhītam apakarṣanti tasya hāhorātre lokam āpnutaḥ

Sanskrit only: no published translation is held for this verse.

तस्मा उ हैतेन प्रब्रुवीत को ऽहम् अस्मि सुवस् त्वम् स त्वां स्वर्ग्यं स्वर् अगाम् इति

tasmā u haitena prabruvīta ko 'ham asmi suvas tvam sa tvāṃ svargyaṃ svar agām iti

Sanskrit only: no published translation is held for this verse.

को ह वै प्रजापतिर् अथ हैवंविद् एव सुवर्गः स हि सुवर् गच्छति

ko ha vai prajāpatir atha haivaṃvid eva suvargaḥ sa hi suvar gacchati

Sanskrit only: no published translation is held for this verse.

तं हाह यस् त्वम् असि सो ऽहम् अस्मि यो ऽहम् अस्मि स त्वम् अस्य् एहीति

taṃ hāha yas tvam asi so 'ham asmi yo 'ham asmi sa tvam asy ehīti

Sanskrit only: no published translation is held for this verse.

स एतम् एव सुकृतरसम् प्रविशति यद् उ ह वा अस्मिंल् लोके मनुष्या यजन्ते यत् साधु कुर्वन्ति तद् एषाम् ऊर्ध्वम् अन्नाद्यम् उत्सीदति तद् अमुं चन्द्रमसम् मनुष्यलोकम् प्रविशति

sa etam eva sukṛtarasam praviśati yad u ha vā asmiṃl loke manuṣyā yajante yat sādhu kurvanti tad eṣām ūrdhvam annādyam utsīdati tad amuṃ candramasam manuṣyalokam praviśati

Sanskrit only: no published translation is held for this verse.

तस्येदम् मानुषनिकाशनम् अण्डम् उदरे ऽन्तः सम्भवति तस्योर्ध्वम् अन्नाद्यम् उत्सीदति स्तनाव् अभि स यद् आजायते ऽथास्मै माता स्तनम् अन्नाद्यम् प्रयच्छति

tasyedam mānuṣanikāśanam aṇḍam udare 'ntaḥ sambhavati tasyordhvam annādyam utsīdati stanāv abhi sa yad ājāyate 'thāsmai mātā stanam annādyam prayacchati

Sanskrit only: no published translation is held for this verse.

अजातो ह वै तावत् पुरुषो यावन् न यजते स यज्ञेनैव जायते स यथाण्डम् प्रथमनिर्भिण्णम् एवम् एव

ajāto ha vai tāvat puruṣo yāvan na yajate sa yajñenaiva jāyate sa yathāṇḍam prathamanirbhiṇṇam evam eva

Sanskrit only: no published translation is held for this verse.

तदा तं ह वा एवंविद् उद्गाता यजमानम् ओम् इत्य् एतेनाक्षरेणादित्यं देवलोकं गमयति वाग् इत्य् अस्मा उत्तरेणाक्षरेण चन्द्रमसम् अन्नाद्यम् अक्षितिम् प्रयच्छति

tadā taṃ ha vā evaṃvid udgātā yajamānam om ity etenākṣareṇādityaṃ devalokaṃ gamayati vāg ity asmā uttareṇākṣareṇa candramasam annādyam akṣitim prayacchati

Sanskrit only: no published translation is held for this verse.

अथ यस्यैतद् अविद्वान् उद्गायति न हैवैनं देवलोकं गमयति नो एनम् अन्नाद्येन समर्धयति

atha yasyaitad avidvān udgāyati na haivainaṃ devalokaṃ gamayati no enam annādyena samardhayati

Sanskrit only: no published translation is held for this verse.

स यथाण्डं विदिग्धं शयीतान्नाद्यम् अलभमानम् एवम् एव विदिग्धः शेते ऽन्नाद्यम् अलभमानः

sa yathāṇḍaṃ vidigdhaṃ śayītānnādyam alabhamānam evam eva vidigdhaḥ śete 'nnādyam alabhamānaḥ

Sanskrit only: no published translation is held for this verse.

तस्माद् उ हैवंविदम् एवोद्गापयेत एवंविद् इहैवोद्गातर् इति हूतः प्रतिशृणुयात्

tasmād u haivaṃvidam evodgāpayeta evaṃvid ihaivodgātar iti hūtaḥ pratiśṛṇuyāt

Sanskrit only: no published translation is held for this verse.