Jaiminīya Upaniṣad Brāhmaṇa (Sāmaveda) 3.15

वाग् इति हेन्द्रो विश्वामित्रायोक्थम् उवाच तद् एतद् विश्वामित्रा उपासते वाचम् एव

vāg iti hendro viśvāmitrāyoktham uvāca tad etad viśvāmitrā upāsate vācam eva

Sanskrit only: no published translation is held for this verse.

मनुर् ह वसिष्ठाय ब्रह्मत्वम् उवाच तस्माद् आहुर् वासिष्ठम् एव ब्रह्मेति

manur ha vasiṣṭhāya brahmatvam uvāca tasmād āhur vāsiṣṭham eva brahmeti

Sanskrit only: no published translation is held for this verse.

तद् उ वा आहुर् एवंविद् एव ब्रह्मा क उ एवंविदं वासिष्ठम् अर्हतीति

tad u vā āhur evaṃvid eva brahmā ka u evaṃvidaṃ vāsiṣṭham arhatīti

Sanskrit only: no published translation is held for this verse.

प्रजापतिः प्राजिजनिषत स तपो ऽतप्यत स ऐक्षत हन्त नु प्रतिष्ठां जनयै ततो याः प्रजाः स्रक्ष्ये ता एतद् एव प्रतिष्ठास्यन्ति नाप्रतिष्ठाश् चरन्तीः प्रदघिष्यन्त इति

prajāpatiḥ prājijaniṣata sa tapo 'tapyata sa aikṣata hanta nu pratiṣṭhāṃ janayai tato yāḥ prajāḥ srakṣye tā etad eva pratiṣṭhāsyanti nāpratiṣṭhāś carantīḥ pradaghiṣyanta iti

Sanskrit only: no published translation is held for this verse.

स इमं लोकम् अजनयद् अन्तरिक्षलोकम् अमुं लोकम् इति तान् इमांस्त्रींल्लोकाञ्जनयित्वाभ्यश्राम्यत्

sa imaṃ lokam ajanayad antarikṣalokam amuṃ lokam iti tān imāṃstrīṃllokāñjanayitvābhyaśrāmyat

Sanskrit only: no published translation is held for this verse.

तान् समतपत् तेभ्यः संतप्तेभ्यस् त्रीणि शुक्राण्य् उदायन्न् अग्निः पृथिव्या वायुर् अन्तरिक्षाद् आदित्यो दिवः

tān samatapat tebhyaḥ saṃtaptebhyas trīṇi śukrāṇy udāyann agniḥ pṛthivyā vāyur antarikṣād ādityo divaḥ

Sanskrit only: no published translation is held for this verse.

स एतानि शुक्राणि पुनर् अभ्य् एवातपत् तेभ्यः संतप्तेभ्यस् त्रीण्य् एव शुक्राण्य् उदायन्न् ऋग्वेद एवाग्नेर् यजुर्वेदो वायोः सामवेद आदित्यात्

sa etāni śukrāṇi punar abhy evātapat tebhyaḥ saṃtaptebhyas trīṇy eva śukrāṇy udāyann ṛgveda evāgner yajurvedo vāyoḥ sāmaveda ādityāt

Sanskrit only: no published translation is held for this verse.

स एतानि शुक्राणि पुनर् अभ्य् एवातपत् तेभ्यः संतप्तेभ्यस् त्रीण्य् एव शुक्राण्य् उदायन् भूर् इत्य् एवर्ग्वेदाद् भुव इति यजुर्वेदात् स्वर् इति सामवेदात् तद् एव

sa etāni śukrāṇi punar abhy evātapat tebhyaḥ saṃtaptebhyas trīṇy eva śukrāṇy udāyan bhūr ity evargvedād bhuva iti yajurvedāt svar iti sāmavedāt tad eva

Sanskrit only: no published translation is held for this verse.

तद्ध वै त्रय्यै विद्यायै शुक्रम् एतावद् इदं सर्वम् स यो वै त्रयीं विद्यां विदुषो लोकः सो ऽस्य लोको भवति य एवं वेद

taddha vai trayyai vidyāyai śukram etāvad idaṃ sarvam sa yo vai trayīṃ vidyāṃ viduṣo lokaḥ so 'sya loko bhavati ya evaṃ veda

Sanskrit only: no published translation is held for this verse.