Jaiminīya Upaniṣad Brāhmaṇa (Sāmaveda) 3.16

अयं वाव यज्ञो यो ऽयम् पवते तस्य वाक् च मनश् च वर्तन्यौ वाचा च ह्य् एष एतन् मनसा च वर्तते

ayaṃ vāva yajño yo 'yam pavate tasya vāk ca manaś ca vartanyau vācā ca hy eṣa etan manasā ca vartate

Sanskrit only: no published translation is held for this verse.

तस्य होताध्वर्युर् उद्गातेत्य् अन्यतरां वाचा वर्तनिं संस्कुर्वन्ति तस्मात् ते वाचा कुर्वन्ति ब्रह्मैव मनसान्यतराम् तस्मात् स तूष्णीम् आस्ते

tasya hotādhvaryur udgātety anyatarāṃ vācā vartaniṃ saṃskurvanti tasmāt te vācā kurvanti brahmaiva manasānyatarām tasmāt sa tūṣṇīm āste

Sanskrit only: no published translation is held for this verse.

स यद्ध सो ऽपि स्तूयमाने वा शस्यमाने वा वावद्यमान आसीतान्यतराम् एवास्यापि तर्हि स वाचा वर्तनिं संस्कुर्यात्

sa yaddha so 'pi stūyamāne vā śasyamāne vā vāvadyamāna āsītānyatarām evāsyāpi tarhi sa vācā vartaniṃ saṃskuryāt

Sanskrit only: no published translation is held for this verse.

स यथा पुरुष एकपाद् यन् भ्रेषन्न् एति रथो वैकचक्रो वर्तमान एवम् एव तर्हि यज्ञो भ्रेषन्न् एति

sa yathā puruṣa ekapād yan bhreṣann eti ratho vaikacakro vartamāna evam eva tarhi yajño bhreṣann eti

Sanskrit only: no published translation is held for this verse.

एतद्ध तद् विद्वान् ब्राह्मण उवाच ब्रह्माणम् प्रातरनुवाक उपाकृते वावद्यमानम् आसीनम् अर्धं वा इमे तर्हि यज्ञस्यान्तरगुर् इति अर्धं हि ते तर्हि यज्ञस्यान्तरीयुः

etaddha tad vidvān brāhmaṇa uvāca brahmāṇam prātaranuvāka upākṛte vāvadyamānam āsīnam ardhaṃ vā ime tarhi yajñasyāntaragur iti ardhaṃ hi te tarhi yajñasyāntarīyuḥ

Sanskrit only: no published translation is held for this verse.

तस्माद् ब्रह्मा प्रातरनुवाक उपाकृते वाचंयम आसीतापरिधानीयाया आ वषट्काराद् इतरेषां स्तुतशस्त्राणाम् एवासंस्थायै पवमानानाम्

tasmād brahmā prātaranuvāka upākṛte vācaṃyama āsītāparidhānīyāyā ā vaṣaṭkārād itareṣāṃ stutaśastrāṇām evāsaṃsthāyai pavamānānām

Sanskrit only: no published translation is held for this verse.

स यथा पुरुष उभयापाद् यन् भ्रेषं न न्येति रथो वोभयाचक्रो वर्तमान एवम् एतर्हि यज्ञो भ्रेषं न न्येति

sa yathā puruṣa ubhayāpād yan bhreṣaṃ na nyeti ratho vobhayācakro vartamāna evam etarhi yajño bhreṣaṃ na nyeti

Sanskrit only: no published translation is held for this verse.