Library·Jaiminīya Upaniṣad Brāhmaṇa (Sāmaveda)·3·3.18

Jaiminīya Upaniṣad Brāhmaṇa (Sāmaveda) 3.18

JUB 3.18.1

अथ वा अतः स्तोमभागानाम् एवानुमन्त्राः

atha vā ataḥ stomabhāgānām evānumantrāḥ

Sanskrit only: no published translation is held for this verse.

JUB 3.18.2

तद्धैतद् एके स्तोमभागैर् एवानुमन्त्रयन्ते तत् तथा न कुर्यात्

taddhaitad eke stomabhāgair evānumantrayante tat tathā na kuryāt

Sanskrit only: no published translation is held for this verse.

JUB 3.18.3

देवेन सवित्रा प्रसूतः प्रस्तोतर् देवेभ्यो वाचम् इष्येत्य् उ हैके ऽनुमन्त्रयन्ते सविता वै देवानाम् प्रसविता सवित्रा प्रसूता इदम् अनुमन्त्रयामह इति वदन्तः तद् उ तथा न कुर्यात्

devena savitrā prasūtaḥ prastotar devebhyo vācam iṣyety u haike 'numantrayante savitā vai devānām prasavitā savitrā prasūtā idam anumantrayāmaha iti vadantaḥ tad u tathā na kuryāt

Sanskrit only: no published translation is held for this verse.

JUB 3.18.4

भूर् भुवः स्वर् इत्य् उ हैके ऽनुमन्त्रयन्त एषा वै त्रयी विद्या त्रय्यैवेदं विद्ययानुमन्त्रयामह इति वदन्तः तद् उ तथा नो एव कुर्यात्

bhūr bhuvaḥ svar ity u haike 'numantrayanta eṣā vai trayī vidyā trayyaivedaṃ vidyayānumantrayāmaha iti vadantaḥ tad u tathā no eva kuryāt

Sanskrit only: no published translation is held for this verse.

JUB 3.18.5

ओम् इत्य् एवानुमन्त्रयेत

om ity evānumantrayeta

Sanskrit only: no published translation is held for this verse.

JUB 3.18.6

अथैष वसिष्ठस्यैकस्तोमभागानुमन्त्रः तेन हैतेन वसिष्ठः प्रजातिकामो ऽनुमन्त्रयांचक्रे देवेन सवित्रा प्रसूतः प्रस्तोतर् देवेभ्यो वाचम् इष्य भूर् भुवः स्वर् ओम् इति ततो वै स बहुः प्रजया पशुभिः प्राजायत

athaiṣa vasiṣṭhasyaikastomabhāgānumantraḥ tena haitena vasiṣṭhaḥ prajātikāmo 'numantrayāṃcakre devena savitrā prasūtaḥ prastotar devebhyo vācam iṣya bhūr bhuvaḥ svar om iti tato vai sa bahuḥ prajayā paśubhiḥ prājāyata

Sanskrit only: no published translation is held for this verse.

JUB 3.18.7

स एव तेन वसिष्ठस्यैकस्तोमभागानुमन्त्रेणानुमन्त्रयेत बहुर् एव प्रजया पशुभिः प्रजायते इयं त्व् एव स्थितिर् ओम् इत्य् एवानुमन्त्रयेत

sa eva tena vasiṣṭhasyaikastomabhāgānumantreṇānumantrayeta bahur eva prajayā paśubhiḥ prajāyate iyaṃ tv eva sthitir om ity evānumantrayeta

Sanskrit only: no published translation is held for this verse.