Jaiminīya Upaniṣad Brāhmaṇa (Sāmaveda) 3.24

किम् अभीति ऋतून् इति तम् ऋतून् अभिप्रवहन्ति

kim abhīti ṛtūn iti tam ṛtūn abhipravahanti

Sanskrit only: no published translation is held for this verse.

तं तथैवागतम् ऋतवः प्रतिनन्दन्त्य् अयं ते भगवो लोकः सह नो ऽयं लोक इति

taṃ tathaivāgatam ṛtavaḥ pratinandanty ayaṃ te bhagavo lokaḥ saha no 'yaṃ loka iti

Sanskrit only: no published translation is held for this verse.

यद् वाव मे युष्मास्व् इत्य् आह तद् वाव मे पुनर् दत्तेति

yad vāva me yuṣmāsv ity āha tad vāva me punar datteti

Sanskrit only: no published translation is held for this verse.

किं नु ते ऽस्मास्व् इति इमानि ज्यायांसि पर्वाणि तानि मे युष्मासु तानि मे प्रतिसंधत्तेति तान्य् अस्यर्तवः पुनः प्रतिसंदधति

kiṃ nu te 'smāsv iti imāni jyāyāṃsi parvāṇi tāni me yuṣmāsu tāni me pratisaṃdhatteti tāny asyartavaḥ punaḥ pratisaṃdadhati

Sanskrit only: no published translation is held for this verse.

तान् आह प्र मा वहतेति किम् अभीति संवत्सरम् इति तं संवत्सरम् अभिप्रवहन्ति

tān āha pra mā vahateti kim abhīti saṃvatsaram iti taṃ saṃvatsaram abhipravahanti

Sanskrit only: no published translation is held for this verse.

तं तथैवागतं संवत्सरः प्रतिनन्दत्य् अयं ते भगवो लोकः सह नाव् अयं लोक इति

taṃ tathaivāgataṃ saṃvatsaraḥ pratinandaty ayaṃ te bhagavo lokaḥ saha nāv ayaṃ loka iti

Sanskrit only: no published translation is held for this verse.

यद् वाव मे त्वयीत्य् आह तद् वाव मे पुनर् देहीति

yad vāva me tvayīty āha tad vāva me punar dehīti

Sanskrit only: no published translation is held for this verse.

किं नु ते मयीति अयम् म आत्मा स मे त्वयि तन् मे पुनर् देहीति तम् अस्मा आत्मानं संवत्सरः पुनर् ददाति

kiṃ nu te mayīti ayam ma ātmā sa me tvayi tan me punar dehīti tam asmā ātmānaṃ saṃvatsaraḥ punar dadāti

Sanskrit only: no published translation is held for this verse.

तम् आह प्र मा वहेति

tam āha pra mā vaheti

Sanskrit only: no published translation is held for this verse.