Jaiminīya Upaniṣad Brāhmaṇa (Sāmaveda) 3.28

किम् अभीति ब्रह्मणो लोकम् इति तम् आदित्यम् अभिप्रवहति

kim abhīti brahmaṇo lokam iti tam ādityam abhipravahati

Sanskrit only: no published translation is held for this verse.

स आदित्यम् आह प्र मा वहेति किम् अभीति ब्रह्मणो लोकम् इति तं चन्द्रमसम् अभिप्रवहति स एवम् एते देवते अनुसंचरति

sa ādityam āha pra mā vaheti kim abhīti brahmaṇo lokam iti taṃ candramasam abhipravahati sa evam ete devate anusaṃcarati

Sanskrit only: no published translation is held for this verse.

एषो ऽन्तो ऽतः परः प्रवाहो नास्ति यान् उ कांश्चातः प्राचो लोकान् अभ्यवादिष्म ते सर्व आप्ता भवन्ति ते जितास् तेष्व् अस्य सर्वेषु कामचारो भवति य एवं वेद

eṣo 'nto 'taḥ paraḥ pravāho nāsti yān u kāṃścātaḥ prāco lokān abhyavādiṣma te sarva āptā bhavanti te jitās teṣv asya sarveṣu kāmacāro bhavati ya evaṃ veda

Sanskrit only: no published translation is held for this verse.

स यदि कामयेत पुनर् इहाजायेयेति यस्मिन् कुले ऽभिध्यायेद् यदि ब्राह्मणकुले यदि राजकुले तस्मिन्न् आजायते स एतम् एव लोकम् पुनः प्रजानन्न् अभ्यारोहन्न् एति

sa yadi kāmayeta punar ihājāyeyeti yasmin kule 'bhidhyāyed yadi brāhmaṇakule yadi rājakule tasminn ājāyate sa etam eva lokam punaḥ prajānann abhyārohann eti

Sanskrit only: no published translation is held for this verse.

तद् उ होवाच शाट्यायनिर् बहुव्याधितो वा अयम् बहुशो लोकः एतस्य वै कामाय नु ब्रुवते वा श्राम्यन्ति वा क एतत् प्रास्य पुनर् इहेयाद् अत्रैव स्याद् इति

tad u hovāca śāṭyāyanir bahuvyādhito vā ayam bahuśo lokaḥ etasya vai kāmāya nu bruvate vā śrāmyanti vā ka etat prāsya punar iheyād atraiva syād iti

Sanskrit only: no published translation is held for this verse.