Jaiminīya Upaniṣad Brāhmaṇa (Sāmaveda) 3.3

तस्यैष श्रीर् आत्मा समुद्रूढो यद् असाव् आदित्यः तस्माद् गायत्रस्य स्तोत्रेणावान्यान् नेच्छ्रिया अवच्छिद्या इति

tasyaiṣa śrīr ātmā samudrūḍho yad asāv ādityaḥ tasmād gāyatrasya stotreṇāvānyān necchriyā avacchidyā iti

Sanskrit only: no published translation is held for this verse.

स एष एवोक्थम् यत् पुरस्ताद् अवानिति तद् एतद् उक्थस्य शिरो यद् दक्षिणतः स दक्षिणः पक्षो यद् उत्तरतः स उत्तरः पक्षो यत् पश्चात् तत् पुच्छम्

sa eṣa evoktham yat purastād avāniti tad etad ukthasya śiro yad dakṣiṇataḥ sa dakṣiṇaḥ pakṣo yad uttarataḥ sa uttaraḥ pakṣo yat paścāt tat puccham

Sanskrit only: no published translation is held for this verse.

अयम् एव प्राण उक्थस्यात्मा स य एवम् एतम् उक्थस्यात्मानम् आत्मन् प्रतिष्ठितं वेद स हामुष्मिंल्लोके साङ्गः सतनुः सर्वः सम्भवति

ayam eva prāṇa ukthasyātmā sa ya evam etam ukthasyātmānam ātman pratiṣṭhitaṃ veda sa hāmuṣmiṃlloke sāṅgaḥ satanuḥ sarvaḥ sambhavati

Sanskrit only: no published translation is held for this verse.

शश्वद्ध वा अमुष्मिंल्लोके यद् इदम् पुरुषस्याण्डौ शिश्नं कर्णौ नासिके यत् किंचानस्थिकं न सम्भवति

śaśvaddha vā amuṣmiṃlloke yad idam puruṣasyāṇḍau śiśnaṃ karṇau nāsike yat kiṃcānasthikaṃ na sambhavati

Sanskrit only: no published translation is held for this verse.

अथ य एवम् एतम् उक्थस्यात्मानम् आत्मन् प्रतिष्ठितं वेद स हैवामुष्मिंल्लोके साङ्गः सतनुः सर्वः सम्भवति

atha ya evam etam ukthasyātmānam ātman pratiṣṭhitaṃ veda sa haivāmuṣmiṃlloke sāṅgaḥ satanuḥ sarvaḥ sambhavati

Sanskrit only: no published translation is held for this verse.

तद् एतद् वैश्वामित्रम् उक्थम् तद् अन्नं वै विश्वम् प्राणो मित्रम्

tad etad vaiśvāmitram uktham tad annaṃ vai viśvam prāṇo mitram

Sanskrit only: no published translation is held for this verse.

तद्ध विश्वामित्रः श्रमेण तपसा व्रतचर्येणेन्द्रस्य प्रियं धामोपजगाम

taddha viśvāmitraḥ śrameṇa tapasā vratacaryeṇendrasya priyaṃ dhāmopajagāma

Sanskrit only: no published translation is held for this verse.

तस्मा उ हैतत् प्रोवाच यद् इदम् मनुष्यान् आगतम्

tasmā u haitat provāca yad idam manuṣyān āgatam

Sanskrit only: no published translation is held for this verse.

तद्ध स उपनिषसाद ज्योतिर् एतद् उक्थम् इति

taddha sa upaniṣasāda jyotir etad uktham iti

Sanskrit only: no published translation is held for this verse.

ज्योतिर् इति द्वे अक्षरे प्राण इति द्वे अन्नम् इति द्वे तद् एतद् अन्न एव प्रतिष्ठितम्

jyotir iti dve akṣare prāṇa iti dve annam iti dve tad etad anna eva pratiṣṭhitam

Sanskrit only: no published translation is held for this verse.

अथ हैनं जमदग्निर् उपनिषसादायुर् एतद् उक्थम् इति

atha hainaṃ jamadagnir upaniṣasādāyur etad uktham iti

Sanskrit only: no published translation is held for this verse.

आयुर् इति द्वे अक्षरे प्राण इति द्वे अन्नम् इति द्वे तद् एतद् अन्न एव प्रतिष्ठितम्

āyur iti dve akṣare prāṇa iti dve annam iti dve tad etad anna eva pratiṣṭhitam

Sanskrit only: no published translation is held for this verse.

अथ हैनं वसिष्ठ उपनिषसाद गौर् एतद् उक्थम् इति तद् एतद् अन्नम् एव अन्नं हि गौः

atha hainaṃ vasiṣṭha upaniṣasāda gaur etad uktham iti tad etad annam eva annaṃ hi gauḥ

Sanskrit only: no published translation is held for this verse.

तद् आहुर् यद् अस्य प्राणस्य पुरुषः शरीरम् अथ केनान्ये प्राणाः शरीरवन्तो भवन्तीति

tad āhur yad asya prāṇasya puruṣaḥ śarīram atha kenānye prāṇāḥ śarīravanto bhavantīti

Sanskrit only: no published translation is held for this verse.

स ब्रूयाद् यद् वाचा वदति तद् वाचः शरीरं यन् मनसा ध्यायति तन् मनसः शरीरं यच्चक्षुषा पश्यति तच्चक्षुषः शरीरं यच्छ्रोत्रेण शृणोति तच्छ्रोत्रस्य शरीरम् एवम् उ हान्ये प्राणाः शरीरवन्तो भवन्तीति

sa brūyād yad vācā vadati tad vācaḥ śarīraṃ yan manasā dhyāyati tan manasaḥ śarīraṃ yaccakṣuṣā paśyati taccakṣuṣaḥ śarīraṃ yacchrotreṇa śṛṇoti tacchrotrasya śarīram evam u hānye prāṇāḥ śarīravanto bhavantīti

Sanskrit only: no published translation is held for this verse.