Jaiminīya Upaniṣad Brāhmaṇa (Sāmaveda) 3.32

तद्ध सात्यकीर्ता आहुर् यां वयं देवताम् उपास्मह एकम् एव वयं तस्यै देवतायै रूपं गव्य् आदिशाम एकं वाहन एकं हस्तिन्य् एकम् पुरुष एकं सर्वेषु भूतेषु तस्या एवेदं देवतायै सर्वं रूपम् इति

taddha sātyakīrtā āhur yāṃ vayaṃ devatām upāsmaha ekam eva vayaṃ tasyai devatāyai rūpaṃ gavy ādiśāma ekaṃ vāhana ekaṃ hastiny ekam puruṣa ekaṃ sarveṣu bhūteṣu tasyā evedaṃ devatāyai sarvaṃ rūpam iti

Sanskrit only: no published translation is held for this verse.

तद् एतद् एकम् एव रूपम् प्राण एव यावद्ध्य् एव प्राणेन प्राणिति तावद् रूपम् भवति तद् रूपम् भवति

tad etad ekam eva rūpam prāṇa eva yāvaddhy eva prāṇena prāṇiti tāvad rūpam bhavati tad rūpam bhavati

Sanskrit only: no published translation is held for this verse.

तद् अथ यदा प्राण उत्क्रामति दार्व् एवेव भूतो ऽनर्थ्यः परिशिष्यते न किंचन रूपम्

tad atha yadā prāṇa utkrāmati dārv eveva bhūto 'narthyaḥ pariśiṣyate na kiṃcana rūpam

Sanskrit only: no published translation is held for this verse.

तस्यान्तरात्मा तपः तस्मात् तप्यमानस्योष्णतरः प्राणो भवति

tasyāntarātmā tapaḥ tasmāt tapyamānasyoṣṇataraḥ prāṇo bhavati

Sanskrit only: no published translation is held for this verse.

तपसो ऽन्तरात्माग्निः स निरुक्तः तस्मात् स दहति

tapaso 'ntarātmāgniḥ sa niruktaḥ tasmāt sa dahati

Sanskrit only: no published translation is held for this verse.

अथाधिदेवतम् इयम् एवैषा देवता यो ऽयम् पवते तस्मिन्न् एतस्मिन्न् आपो ऽन्तः तद् अन्नम् सो ऽरूक्ष उपासितव्यः यद् अस्मिन्न् आपो ऽन्तस् तेनारूक्षः

athādhidevatam iyam evaiṣā devatā yo 'yam pavate tasminn etasminn āpo 'ntaḥ tad annam so 'rūkṣa upāsitavyaḥ yad asminn āpo 'ntas tenārūkṣaḥ

Sanskrit only: no published translation is held for this verse.

तस्यान्तरात्मा तपः तस्माद् एष आतपत्य् उष्णतरः पवते

tasyāntarātmā tapaḥ tasmād eṣa ātapaty uṣṇataraḥ pavate

Sanskrit only: no published translation is held for this verse.

तपसो ऽन्तरात्मा विद्युत् स निरुक्तः तस्मात् सो ऽपि दहति

tapaso 'ntarātmā vidyut sa niruktaḥ tasmāt so 'pi dahati

Sanskrit only: no published translation is held for this verse.

तानि वा एतानि चत्वारि साम प्राणो वाङ् मनः स्वरः स एष प्राणो वाचा करोति मनोनेत्रः तस्य स्वर एव प्रजाः प्रजावान् भवति य एवं वेद

tāni vā etāni catvāri sāma prāṇo vāṅ manaḥ svaraḥ sa eṣa prāṇo vācā karoti manonetraḥ tasya svara eva prajāḥ prajāvān bhavati ya evaṃ veda

Sanskrit only: no published translation is held for this verse.