Jaiminīya Upaniṣad Brāhmaṇa (Sāmaveda) 3.33

स यो वायुः प्राण एव सः यो ऽग्निर् वाग् एव सा यश् चन्द्रमा मन एव तत् य आदित्यः स्वर एव सः तस्माद् एतम् आदित्यम् आहुः स्वर एतीति

sa yo vāyuḥ prāṇa eva saḥ yo 'gnir vāg eva sā yaś candramā mana eva tat ya ādityaḥ svara eva saḥ tasmād etam ādityam āhuḥ svara etīti

Sanskrit only: no published translation is held for this verse.

स यो ह वा अमूर् देवता उपास्ते या अमूर् अधिदेवतं दूरूपा वा एता दुरनुसम्प्राप्या इव कस् तद् वेद यद्य् एता अनु वा सम्प्राप्नुयान् न वा

sa yo ha vā amūr devatā upāste yā amūr adhidevataṃ dūrūpā vā etā duranusamprāpyā iva kas tad veda yady etā anu vā samprāpnuyān na vā

Sanskrit only: no published translation is held for this verse.

अथ य एना अध्यात्मम् उपास्ते स हान्तिदेवो भवति निर्जीर्यन्तीव वा इत एताः तस्य वा एताः शरीरस्य सह प्राणेन निर्जीर्यन्ति क उ एव तद् वेद यद्य् एता अनु वा सम्प्राप्नुयान् न वा

atha ya enā adhyātmam upāste sa hāntidevo bhavati nirjīryantīva vā ita etāḥ tasya vā etāḥ śarīrasya saha prāṇena nirjīryanti ka u eva tad veda yady etā anu vā samprāpnuyān na vā

Sanskrit only: no published translation is held for this verse.

अथ य एना उभयीर् एकधा भवन्तीर् वेद स एवानुष्ठ्या साम वेद स आत्मानं वेद स ब्रह्म वेद

atha ya enā ubhayīr ekadhā bhavantīr veda sa evānuṣṭhyā sāma veda sa ātmānaṃ veda sa brahma veda

Sanskrit only: no published translation is held for this verse.

तद् आहुः प्रादेशमात्राद् वा इत एता एकम् भवन्ति अतो ह्य् अयम् प्राणः स्वर्य उपर्य् उपरि वर्तत इति

tad āhuḥ prādeśamātrād vā ita etā ekam bhavanti ato hy ayam prāṇaḥ svarya upary upari vartata iti

Sanskrit only: no published translation is held for this verse.

अथ हैक आहुश् चतुरङ्गुलाद् वा इत एता एकम् भवन्तीति अतो ह्य् एवायम् प्राणः स्वर्य उपर्य् उपरि वर्तत इति

atha haika āhuś caturaṅgulād vā ita etā ekam bhavantīti ato hy evāyam prāṇaḥ svarya upary upari vartata iti

Sanskrit only: no published translation is held for this verse.

स एष ब्रह्मण आवर्तः स य एवम् एतम् ब्रह्मण आवर्तं वेदाभ्य् एनम् प्रजाः पशव आवर्तन्ते सर्वम् आयुर् एति

sa eṣa brahmaṇa āvartaḥ sa ya evam etam brahmaṇa āvartaṃ vedābhy enam prajāḥ paśava āvartante sarvam āyur eti

Sanskrit only: no published translation is held for this verse.

स यो हैवं विद्वान् प्राणेन प्राण्यापानेनापान्य मनसैता उभयीर् देवता आत्मन्य् एत्य मुख आधत्ते तस्य सर्वम् आप्तम् भवति सर्वं जितम् न हास्य कश्चन कामो ऽनाप्तो भवति य एवं वेद

sa yo haivaṃ vidvān prāṇena prāṇyāpānenāpānya manasaitā ubhayīr devatā ātmany etya mukha ādhatte tasya sarvam āptam bhavati sarvaṃ jitam na hāsya kaścana kāmo 'nāpto bhavati ya evaṃ veda

Sanskrit only: no published translation is held for this verse.