Jaiminīya Upaniṣad Brāhmaṇa (Sāmaveda) 3.34

तद् एतन् मिथुनं यद् वाक् च प्राणश् च मिथुनम् ऋक्सामे आचतुरं वाव मिथुनम् प्रजननम्

tad etan mithunaṃ yad vāk ca prāṇaś ca mithunam ṛksāme ācaturaṃ vāva mithunam prajananam

Sanskrit only: no published translation is held for this verse.

तद् यत्राद आह सोमः पवत इति वोपावर्तध्वम् इति वा तत् सहैव वाचा मनसा प्राणेन स्वरेण हिंकुर्वन्ति तद्धिङ्कारेण मिथुनं क्रियते

tad yatrāda āha somaḥ pavata iti vopāvartadhvam iti vā tat sahaiva vācā manasā prāṇena svareṇa hiṃkurvanti taddhiṅkāreṇa mithunaṃ kriyate

Sanskrit only: no published translation is held for this verse.

सहैव वाचा मनसा प्राणेन स्वरेण निधनम् उपयन्ति तन् निधनेन मिथुनम् क्रियते

sahaiva vācā manasā prāṇena svareṇa nidhanam upayanti tan nidhanena mithunam kriyate

Sanskrit only: no published translation is held for this verse.

तत् सप्तविधं साम्नः सप्तकृत्व उद्गातात्मानं च यजमानं च शरीरात् प्रजनयति

tat saptavidhaṃ sāmnaḥ saptakṛtva udgātātmānaṃ ca yajamānaṃ ca śarīrāt prajanayati

Sanskrit only: no published translation is held for this verse.

यादृशस्यो ह वै रेतो भवति तादृशं सम्भवति यदि वै पुरुषस्य पुरुष एव यदि गोर् गौर् एव यद्य् अश्वस्याश्व एव यदि मृगस्य मृग एव यस्यैव रेतो भवति तद् एव सम्भवति

yādṛśasyo ha vai reto bhavati tādṛśaṃ sambhavati yadi vai puruṣasya puruṣa eva yadi gor gaur eva yady aśvasyāśva eva yadi mṛgasya mṛga eva yasyaiva reto bhavati tad eva sambhavati

Sanskrit only: no published translation is held for this verse.

तद् यथा ह वै सुवर्णं हिरण्यम् अग्नौ प्रास्यमानं कल्याणतरं कल्याणतरम् भवत्य् एवम् एव कल्याणतरेण कल्याणतरेणात्मना सम्भवति य एवं वेद

tad yathā ha vai suvarṇaṃ hiraṇyam agnau prāsyamānaṃ kalyāṇataraṃ kalyāṇataram bhavaty evam eva kalyāṇatareṇa kalyāṇatareṇātmanā sambhavati ya evaṃ veda

Sanskrit only: no published translation is held for this verse.

तद् एतद् ऋचाभ्यनूच्यते

tad etad ṛcābhyanūcyate

Sanskrit only: no published translation is held for this verse.